Vísir greindi frá því fyrr í vikunni að viðræður á milli Andra Rúnars og félagsins væru komnar langt á leið, en félagið staðfesti félagaskiptin nú rétt í þessu.
Andri Rúnar spilaði með Grindvíkingum í Pepsi-deildinni í sumar og varð markahæstur í deildinni með 19 mörk. Hann hafði áður spilað með Víkingi Reykjavík frá 2014-16.
Hinn 26-ára Bolvíkingur verður gjaldgengur í að spila með sínu nýja félagi í janúar. Hann skrifaði undir tveggja ára samning.
„Það er mjög gott að vera hér og ég hlakka mjög mikið til að spila fyrir frábæra stuðningsmenn HIF,“ sagði Andri Rúnar í tilkynningu félagsins.
