Stórleikur Lovísu dugði ekki á Ásvöllum

Haukakonur fylgja toppliði Vals fast eftir eftir fjögurra marka sigur á botnliði Gróttu á Ásvöllum í kvöld.

Haukakonur unnu leikinn 23-19 og hafa þar með unnið fimm sigra og gert eitt jafntefli í síðustu sex deildarleikjum sínum. Haukaliðið minnkaði forskot Vals á toppnum í þrjú stig með þessum sigri.

Gróttukonur hafa enn ekki unnið leik í vetur en þær voru einu marki yfir í hálfleik, 11-10.

Góður fyrri hálfleikur og stórleikur Lovísa Thompson sem skoraði ellefu mörk í leiknum, dugði hinsvegar ekki til.

Haukaliðið var sterkari í seinni hálfleik og landaði góðum heimasigri.

Haukar - Grótta 23-19 (10-11)

Mörk Hauka: Maria Ines Silva Pereira 8, Berta Rut Harðardóttir 6, Sigrún Jóhannsdóttir 4, Guðrún Erla Bjarnadóttir 2, Ragnheiður Sveinsdóttir 1, Erla Eiríksdóttir 1, Vilborg Pétursdóttir 1.

Mörk Gróttu: Lovísa Thompson 11, Elva Björg Arnarsdóttir 5, Kristjana Björk Steinarsdóttir 2, Savica Mrkikj 1.