Haukakonur gerðu út um leikinn í fyrri

Haukar unnu 27-20 sigur á Selfyssingum á útivelli í Olís-deild kvenna í kvöld en með sigrinum náðu þær að saxa á forskot Valskvenna á toppi deildarinnar.

Haukar náðu strax frumkvæðinu í leiknum og leiddu með sjö mörkum í hálfleik, 15-8, Haukum í vil og var sigurinn í raun aldrei í hættu í seinni hálfleik.

Meira jafnræði var með liðunum í seinni hálfleik en Selfyssingar gerðu enga alvöru atlögu að forskoti Haukaliðsins sem vann að lokum sjö marka sigur.

Marie Ines Pereira var með sjö mörk í liði Haukakvenna en í liði heimakvenna var Perla Ruth Albertsdóttir með átta mörk.