Nokkur viðbúnaður vegna suðaustan storms

Nokkur viðbúnaður er meðal viðbragðsaðila, lögreglu og björgunarsveitum vegna stormviðvörunar sem veðurstofan skilgreinir sem appelsínugult ástand. Einkum mun vindur verða mikill á höfuðborgarsvæðinu og Suðurlandi.

Veður fer að kárna upp úr hádegi og milli klukkan 16:30 og 19:30 er gert ráð fyrir suðaustan stormi 18-25 m/s á því tímabili. Samgöngur geta raskast og er hætt við foki á lausamunum. Búast má við snörpum vindkviðum við fjöll, til dæmis er hætt við að það blási hressilega á Kjalarnesi og við Hafnarfjall. Er fólki ráðlagt eindregið frá því að vera á ferðinni þar og þá.