Neymar skoraði enn og aftur í frumraun

Neymar skoraði annað marka PSG sem vann 2-0 sigur á Amiens í frönsku deildabikarkeppninni í gærkvöldi. Þetta var frumraun Neymar í keppninni og hefur hann skorað í fyrsta leik sínum í öllum keppnum fyrir PSG.

Neymar skoraði einnig í frumraun sinni í frönsku 1. deildinni og franska bikarnum, sem og fyrsta leik sínum með PSG í Meistaradeild Evrópu.

Neymar skoraði fyrra mark PSG í leiknum úr vítaspyrnu en Adrien Rabiot það síðara. PSG hefur nú ekki tapað í 35 bikarleikjum í röð, í alls fjögur ár. Liðið mætir Rennes í undanúrslitunum en í hinni rimmunni eigast við Monaco og Montpellier.

Brasilímaðurinn varð í sumar dýrasti leikmaður sögunnar er hann var keyptur á 222 milljónir evra frá Barcelona á Spáni. Hann hefur nú skorað 20 mörk í 22 leikjum fyrir PSG.