Fjölmargir vegir enn lokaðir

Stefán Ó. Jónsson skrifar 12. febrúar 2018 05:54

Frá lokun Hellisheiðar VÍSIR/JÓHANN K. JÓHANNSSON

Víðtækar lokanir og akstursbönn eru enn í gildi á mörgum stofnæðum umhverfis höfuðborgarsvæðið, sem og annars staðar á landinu. Þó er búið að opna Reykjanesbraut, Hellisheiði, Þrengsli, Mosfellsheiði, Lyngdalsheiði og frá Laugarvatni niður að Selfossi.

Fjölmargir ökumenn komust í hann krappan í gær og því mikilvægt að þeir virði lokanir ef ekki á illa að fara.

Fram kemur á vef Vegagerðarinnar að eftirfarandi vegir séu lokaðir. Rétt er að taka fram að listinn er alls ekki tæmandi:

Milli Hvolsvallar og Víkur
Fróðárheiði
Brattabrekka
Holtavörðuheiði
Súðavíkurhlíð er lokuð vegna snjóflóðahættu

Auk þessara er víða ófært en mokstur stendur yfir á öllu landinu.

Fréttin verður uppfærð eftir því sem færðin breytist. Fylgjast má með færðinni á vef Vegagerðarinnar. Upplýsingasími Vegagerðarinnar, 1777, opnaði klukkan 6:30.

Tengdar fréttir

Vonskuveður og mikilvægt að ökumenn virði lokanir

Fólk er hvatt til að halda sig heima í dag og fylgjast vel með fréttum af færð og veðri ef það ætlar að fara eitthvað.

11. febrúar 2018 11:32

Veðrið í dag frá a-ö: Fjöldaárekstrar, ráðvilltir ferðamenn og óútreiknanleg lægð

lar samgöngutruflanir hafa orðið á landinu á meðan óveðurslægð hefur gengið yfir landið. Miklar annir hafa verið hjá björgunarsveitum og öðrum viðbragðsaðilum en til að mynda urði tveir átta bíla árekstrar í umferðinni í dag.

11. febrúar 2018 19:44