Darri fer frá KR eftir tímabilið

Darri Hilmarsson, leikmaður KR í Dominos-deild karla, mun hætta að spila með liðinu eftir yfirstandandi tímabil, en þetta kemur fram í KR-blaðinu sem kom nú út fyrir úrslitakeppnina.

Ástæða þess ku vera að kona Darra er að fara stunda nám í Svíþjóð og Darri mun fylgja henni þangað. Hann leikur því nú sína síðustu leiki með KR, en hversu margir þeir eru eftir er óvitað.


Darri hefur verið einn ólseigasti leikmaður KR undanfarin ár og spilað stórt hlutverk í vörn og sókn í stjörnuprýddu liði KR. Hann hefur unnið fjóra titla í röð með KR og þar á ferðinni er afar sigursæll leikmaður.

KR mætir Njarðvík í fyrsta leik átta liða úrslitanna í kvöld, en hægt er að fylgjast með leiknum hér.