Domino's Körfuboltakvöld: „Það var hann sem var að leggja í púkkið“

Domino's Körfuboltakvöld hélt áfram göngu sinni síðastliðið föstudagskvöld en þá fóru þeir félagar yfir deildarkeppnina og veittu nokkur verðlaun eins og t.d. besti ungi leikmaðurinn.

Ingvi Þór Guðmundsson úr liði Grindavíkur er besti ungi leikmaðurinn að mati sérfræðinganna en hann spilaði frábærlega í febrúar og mars.

„Hann er fæddur 1998, virkilega góður skotmaður og það sem heillaði okkur eflaust mest var það að þegar Grindavík fór að ganga betur þá var það Ingvi sem var að leggja í púkkið,“ sagði Kjartan Atli.

Ingvi var hluti að Grindavíkur liði sem endaði deildarkeppnina í 6. sæti með 26 stig en hann átti t.d. stórleik fyrir liðið gegn Hetti í byrjun febrúar þegar hann skoraði 25 stig, gaf 4 stoðsendingar og tók 5 fráköst.

Sjáðu myndbandið í heild sinni í spilaranum hér að ofan.