Lýst eftir Hafþóri Helgasyni

Lögreglan á höfuðborgarsvæðinu lýsir eftir Hafþóri Helgasyni, 16 ára. Hann er 175 sm á hæð með ljóst, stutt hár og klæddur í svartan jakka og svartar buxur.

Síðast er vitað um ferðir Hafþórs í Kópavogi um tvöleytið í nótt, en hann kann enn fremur að hafa verið á ferðinni í Garðabæ eftir þann tíma. Hafþór er sagður hafa svarta vespu til umráða. Lögregla segir mögulegt að Hafþór sé með ljósgráa Liverpool-húfu á höfði.

Þeir sem geta veitt upplýsingar um ferðir Hafþórs, eða vita hvar hann er að finna, eru vinsamlegast beðnir um að hafa tafarlaust samband við lögreglu í síma 112.

Uppfært 12:15Í upphaflegri tilkynningu lögreglu kom fram að Hafþór væri 15 ára gamall. Í annarri tilkynningu segir lögregla að það hafi verið ranghermt og Hafþór sé 16 ára.