Sjáðu frábært mark Elíasar í Svíþjóð

Elías Már Ómarsson skoraði bæði mörk IFK Gautaborgar í 2-1 sigri á Häcken í sjöttu umferð sænsku úrvalsdeildarinnar í fótbolta en hann er nú búinn að skora fjögur mörk í fimm leikjum.

Seinna markið var einstaklega glæsilegt en hann tók þá við boltanum í teignum, lyfti honum upp og klippti knöttinn í netið óverjandi fyrir markvörð gestanna.

Elías skoraði einnig tvö mörk í fyrstu umferðinni en spilaði svo þrjá leiki án þess að skora og tvennan því kærkomin fyrir Keflvíkinginn sem gekk endanlega í raðir sænska félagsins fyrir síðustu leiktíð.

Gautaborgarliðið er í sjöunda sæti eftir sex umferðir með níu stig en það hefur unnið tvo af síðustu þremur leikjum sínum.

Mörkin hans Elíasar má sjá hér að neðan.