Ronaldo er frægasta íþróttastjarna heims

Cristiano Ronaldo er frægasta íþróttastjarna heims samkvæmt samantekt ESPN. Þetta er þriðja árið í röð sem ESPN tekur saman listann og þriðja árið sem Ronaldo toppar hann.

Listinn byggir á hversu oft leitað er eftir íþróttamanninum/konunni á Google, hversu mikils virði styrktarsamningar þeirra séu og hversu margir fylgjast með þeim á samfélagsmiðlum.

Leitarskor Ronaldo er 100, hann er virði 40 milljón dollara í styrktarsamningum og 121,7 milljón manns fylgjast með honum á hans stærsta samfélagsmiðli. Næstur á eftir kemur LeBron James og Lionel Messi er í þriðja sæti. Þessir þrír hafa verið í þessum sætum öll árin þrjú sem samantekt ESPN hefur verið gerð.

Efsta kona listans er Serena Williams en hún er í 12. sæti. Hún er með 29 í leitarskori, styrktarsamninga upp á 28 milljónir dollara og 10,7 fylgjendur á samfélagsmiðlum.

Listann í heild sinni má nálgast hér, en topp 10 frægustu íþróttamenn heims eru:

1. Cristiano Ronaldo

2. LeBron James

3. Lionel Messi

4. Neymar

5. Roger Federer

6. Tiger Woods

7. Kevin Durant

8. Rafael Nadal

9. Stephen Curry

10. Phil Mickelson