Fótbolti

Byrjunarliðið á móti Gana: Heimir prófar nýjan mann í hægri bakverði

Tómas Þór Þórðarson skrifar
Heimir Hallgrímsson er að prófa nýjan mann í kvöld.
Heimir Hallgrímsson er að prófa nýjan mann í kvöld. vísir
Gylfi Þór Sigurðsson er í byrjunarliði íslenska landsliðsins í fótbolta í kvöld eins og búið var að greina frá en hann ber fyrirliðabandið í vináttuleik strákanna okkar á móti Gana.

Leikurinn hefst klukkan 20.00 á Laugardalsvellinum en þetta er síðasti leikur strákanna áður en að þeir halda til Rússlands fyrir hádegi á laugardaginn.

Hannes Þór Halldórsson er kominn aftur eftir smávægileg meiðsli og stendur vaktina í markinu en annars er nánast stillt upp því sterkasta sem í boði er á móti Gana.

Hólmar Örn Eyjólfsson fær að spreyta sig í stöðu hægri bakvarðar í kvöld og Björn Bergmann Sigurðarson er með Alfreð Finnbogasyni í fremstu víglínu.

Birkir Bjarnason færir sig út á vinstri kantinn og Gylfi kemur inn á miðjuna með Birki en Jóhann Berg er svo á hægri vængnum.

<>/center
Pepsi Max-deild karla

Tengdar fréttir

Ísland á forsíðu Time

Íslenska karlalandsliðið í fótbolta er að fara að stíga sín fyrstu skref í úrslitakeppni HM eftir rúma viku og það fer ekkert framhjá neinum að augu heimsins eru á litla íslenska kraftaverkinu.

Mest lesið


Fleiri fréttir

Sjá meira


×

Mest lesið