Tónlist

Svala komin á samning hjá Sony

Kristín Ólafsdóttir skrifar
Svala fór fyrir hönd Íslands í Söngvakeppni evrópskra sjónvarpsstöða árið 2017.
Svala fór fyrir hönd Íslands í Söngvakeppni evrópskra sjónvarpsstöða árið 2017. vísir/andri marínó
Söngkonan Svala Björgvinsdóttir hefur skrifað undir samning hjá útgáfufyrirtækinu Sony í Danmörku. Þessu greinir Svala frá í færslu á Instagram-reikningi sínum í dag.

„Svo þakklát fyrir að skrifa undir samning hjá Sony Danmörku í dag. Ég hef verið að semja og taka upp sólótónlist síðasta árið og það er sannarlega blessun að þau styðji mig og tónlistina mína,“ skrifar Svala við myndina, þar sem hún sést undirrita samninginn glöð í bragði. Myndina má sjá hér að neðan.



Sony Music er eitt stærsta útgáfufyrirtæki í heimi og eru fjölmargir þekktir tónlistarmenn á mála hjá fyrirtækinu í Danmörku. Þar á meðal eru danska söngkonan Mø og strákasveitin CITYBOIS. Ótrúlegur stjörnufans er auk þess á samning hjá Sony á heimsvísu en þar má nefna Beyoncé, Justin Timberlake og Aliciu Keys.

Þá hafa fleiri íslenskir tónlistarmenn kvittað undir Sony-plagg undanfarin misseri. Í febrúar skrifuðu rapparnir Herra Hnetusmjör og Aron Can undir samning við Sony um dreifingu tónlistar þeirra á Norðurlöndum.

Tónlist

Tengdar fréttir

Aron Can semur við Sony

Rapparinn Aron Can hefur samið við plöturisann Sony. Líklegt er að Aron fái að hljóma víðar en hér á landi á næstunni. Hann segist vera í skýjunum með samninginn og hlakkar til að stíga næsta skref.

Sony dreifir Herra Hnetusmjöri um Norðurlöndin

Herra Hnetusmjör hefur skrifað undir dreifingarsamning við Sony. Fyrirtækið mun dreifa tónlist Kópavogsrapparans um Norðurlöndin. Herra Hnetusmjör hlakkar til að fá frekari dreifingu um Skandinavíu.

Aron Can í víking til Noregs

Tónlistamaðurinn Aron Can nýtur mikilla vinsælda í Noregi og segir hann tónleika sína þar marka upphaf útrásár.

Saumar á sig sjálf

Sædís Ýr Jónasdóttir hefur mikinn áhuga á fötum og tísku og finnst fátt skemmtilegra en að fara í fín föt og hafa sig til.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.