Madonna sextug Þórdís Lilja Gunnarsdóttir skrifar 16. ágúst 2018 06:02 Madonna var fimm ára þegar hún missti móður sína. Henni gekk vel í skóla og dreymdi um að verða nunna. Krossar eru áberandi skart á ferli hennar. Poppdrottningin Madonna er 60 ára í dag. Hún er meðal 100 mestu áhrifavalda sögunnar á tískuheiminn „Ég lít ekki þannig á að ég eigi í baráttu við elli kerlingu. Ég held bara áfram að lifa mínu lífi, rétt eins og ég hef alltaf gert og geri ekkert öðruvísi. Ég held áfram að vera skapandi, starfa að list minni, skrifa, fræðast, ferðast um heiminn og vera ævintýragjörn. Ég hlusta á börnin mín, veiti þeim athygli og horfi á heiminn með þeirra augum, en allt heldur það manni ungum,“ sagði Madonna í nýlegu viðtali við tímaritið The Cut sem tekið var í aðdraganda sextugsafmælisins. Madonna býr nú í Lissabon, höfuðborg Portúgals, ásamt fjórum börnum sem hún ættleiddi frá Malaví á árunum 2006 til 2017. „Ég hefði vel getað búið áfram í New York en það heldur manni ungum og lifandi að stíga út fyrir þægindarammann. Ég hef tileinkað mér að vera ekki værukær heldur taka sífellt nýja áhættu. Sumir kjósa að setjast í helgan stein á þessum tímamótum en það er ekki fyrir mig. Vitaskuld þarf maður líka að hugsa vel um sig, borða næringarríkan mat og huga að daglegri hreyfingu, en ég hef ætíð hugsað vel um sjálfa mig, hef til dæmis aldrei reykt og fer ekki í sólböð.“ Madonna er gjarnan ögrandi á sviði og sýnir óhikað stæltan kroppinn.Fer eigin leiðir Madonna er femínískt náttúruafl. Hún hefur unnið ötullega að baráttumálum kvenna og talað hátt gegn aldursfordómum. „Okkur vantar fyrirmyndir. Margir óttast það sem þeir ekki þekkja en konur hafa nú aðra stöðu í heiminum. Við finnum okkur fleiri verkefni og berjumst fyrir jafnrétti. Á sama tíma þurfum við að sinna eigin frama og okkur sjálfum. Það gerum við með því að vera áfram forvitnar um lífið, lifa því lifandi og gera sjálfum okkur gott.“ Madonna segir engar reglur gilda þegar kemur að lífi og tilveru eldri kvenna. „Það er úrelt og fáránleg hugmynd feðraveldisins að konur hætti að vera skemmtilegar, forvitnilegar, fallegar og kynæsandi eftir fertugt. Af hverju ættu karlar einir mega vera ævintýragjarnir, kynferðislegir og skemmta sér fram á grafarbakkann? Við konur eigum að berjast gegn þessari tímaskekkju með því að rísa upp gegn siðferðisreglum og ríkjandi viðmiðum sem banna okkur að gera slíkt hið sama. Eftir því sem fleiri konur standa saman er aðeins tímaspursmál hvenær við útrýmum þessu og sem dæmi var ég í upphafi ferilsins gagnrýnd fyrir að vera of kynferðisleg í sköpun minni en í dag þykir það sama vera hlægilegt.“ Standandi á sextugu segist Madonna vissulega upplifa aldursfordóma. „Ég er iðulega snupruð fyrir að deita yngri menn og gera hluti sem eru eyrnamerktir yngri konum, en hver bjó til þá reglu? Hver segir að ég megi ekki gera það sem ég vil? Ég mun áfram halda mínu striki og eftir tíu til tuttugu ár munu gagnrýnisraddirnar þagna. Þá verður þetta orðin viðtekin venja.“Madonna í fjólublárri paisley-dragt af virðingu og í minningu Prince.Styrkir fátæk börn í Malavi Í tilefni stórafmælisins hefur Madonna mælst til þess við aðdáendur sína að styrkja fátæk og munaðarlaus börn í Malaví.„Þegar ég kom fyrst til Malaví sá ég svo ótal mörg börn yfirgefin og munaðarlaus vegna alnæmis. Varnarleysi þeirra snart mig mjög og að sjá foreldra þeirra og fjölskyldumeðlimi liggja fyrir dauðanum, en geta ekkert gert til að breyta því. Á sama tíma dáðist ég að hamingju þeirra og gleði, þrátt fyrir mikinn missi, sorg og allsleysi. Það var lærdómsríkt, og þótt ég hefði komið til Malaví til að hjálpa sem mest ég mátti, voru það börnin sem hjálpuðu mér að þekkja þakklæti,“ segir Madonna sem hleypti af stokkunum húðlínunni MDNA Skin sem inniheldur endurnærandi jurt sem vex um alla Afríku. Stór hluti tekna af húðvörunum rennur beint til hjálparstarfs í Afríku, í menntun stúlkna, skólabyggingar, heilsugæslu og til barnalækna. Birtist í Fréttablaðinu Tónlist Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Ein lausn er að liggja hlið við hlið og fróa sér Lífið „Ég fæ morgnana til að vera bara ég“ Tónlist Myndasyrpa úr Bakgarðshlaupinu Lífið Fleiri fréttir Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Sjá meira
Poppdrottningin Madonna er 60 ára í dag. Hún er meðal 100 mestu áhrifavalda sögunnar á tískuheiminn „Ég lít ekki þannig á að ég eigi í baráttu við elli kerlingu. Ég held bara áfram að lifa mínu lífi, rétt eins og ég hef alltaf gert og geri ekkert öðruvísi. Ég held áfram að vera skapandi, starfa að list minni, skrifa, fræðast, ferðast um heiminn og vera ævintýragjörn. Ég hlusta á börnin mín, veiti þeim athygli og horfi á heiminn með þeirra augum, en allt heldur það manni ungum,“ sagði Madonna í nýlegu viðtali við tímaritið The Cut sem tekið var í aðdraganda sextugsafmælisins. Madonna býr nú í Lissabon, höfuðborg Portúgals, ásamt fjórum börnum sem hún ættleiddi frá Malaví á árunum 2006 til 2017. „Ég hefði vel getað búið áfram í New York en það heldur manni ungum og lifandi að stíga út fyrir þægindarammann. Ég hef tileinkað mér að vera ekki værukær heldur taka sífellt nýja áhættu. Sumir kjósa að setjast í helgan stein á þessum tímamótum en það er ekki fyrir mig. Vitaskuld þarf maður líka að hugsa vel um sig, borða næringarríkan mat og huga að daglegri hreyfingu, en ég hef ætíð hugsað vel um sjálfa mig, hef til dæmis aldrei reykt og fer ekki í sólböð.“ Madonna er gjarnan ögrandi á sviði og sýnir óhikað stæltan kroppinn.Fer eigin leiðir Madonna er femínískt náttúruafl. Hún hefur unnið ötullega að baráttumálum kvenna og talað hátt gegn aldursfordómum. „Okkur vantar fyrirmyndir. Margir óttast það sem þeir ekki þekkja en konur hafa nú aðra stöðu í heiminum. Við finnum okkur fleiri verkefni og berjumst fyrir jafnrétti. Á sama tíma þurfum við að sinna eigin frama og okkur sjálfum. Það gerum við með því að vera áfram forvitnar um lífið, lifa því lifandi og gera sjálfum okkur gott.“ Madonna segir engar reglur gilda þegar kemur að lífi og tilveru eldri kvenna. „Það er úrelt og fáránleg hugmynd feðraveldisins að konur hætti að vera skemmtilegar, forvitnilegar, fallegar og kynæsandi eftir fertugt. Af hverju ættu karlar einir mega vera ævintýragjarnir, kynferðislegir og skemmta sér fram á grafarbakkann? Við konur eigum að berjast gegn þessari tímaskekkju með því að rísa upp gegn siðferðisreglum og ríkjandi viðmiðum sem banna okkur að gera slíkt hið sama. Eftir því sem fleiri konur standa saman er aðeins tímaspursmál hvenær við útrýmum þessu og sem dæmi var ég í upphafi ferilsins gagnrýnd fyrir að vera of kynferðisleg í sköpun minni en í dag þykir það sama vera hlægilegt.“ Standandi á sextugu segist Madonna vissulega upplifa aldursfordóma. „Ég er iðulega snupruð fyrir að deita yngri menn og gera hluti sem eru eyrnamerktir yngri konum, en hver bjó til þá reglu? Hver segir að ég megi ekki gera það sem ég vil? Ég mun áfram halda mínu striki og eftir tíu til tuttugu ár munu gagnrýnisraddirnar þagna. Þá verður þetta orðin viðtekin venja.“Madonna í fjólublárri paisley-dragt af virðingu og í minningu Prince.Styrkir fátæk börn í Malavi Í tilefni stórafmælisins hefur Madonna mælst til þess við aðdáendur sína að styrkja fátæk og munaðarlaus börn í Malaví.„Þegar ég kom fyrst til Malaví sá ég svo ótal mörg börn yfirgefin og munaðarlaus vegna alnæmis. Varnarleysi þeirra snart mig mjög og að sjá foreldra þeirra og fjölskyldumeðlimi liggja fyrir dauðanum, en geta ekkert gert til að breyta því. Á sama tíma dáðist ég að hamingju þeirra og gleði, þrátt fyrir mikinn missi, sorg og allsleysi. Það var lærdómsríkt, og þótt ég hefði komið til Malaví til að hjálpa sem mest ég mátti, voru það börnin sem hjálpuðu mér að þekkja þakklæti,“ segir Madonna sem hleypti af stokkunum húðlínunni MDNA Skin sem inniheldur endurnærandi jurt sem vex um alla Afríku. Stór hluti tekna af húðvörunum rennur beint til hjálparstarfs í Afríku, í menntun stúlkna, skólabyggingar, heilsugæslu og til barnalækna.
Birtist í Fréttablaðinu Tónlist Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Ein lausn er að liggja hlið við hlið og fróa sér Lífið „Ég fæ morgnana til að vera bara ég“ Tónlist Myndasyrpa úr Bakgarðshlaupinu Lífið Fleiri fréttir Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Sjá meira