Tíu skotnir eftir hátíð í Manchester

Lögreglan í Manchester á Englandi segir að tíu manns séu á sjúkrahúsi eftir skotárás í Moss Side-hverfinu þar í nótt. Fjöldi fólks var í hverfinu eftir hátíðarhöld þar en ekki liggur fyrir hver var að verki.

Breska blaðið The Telegraph segir að tilkynning um árásina hafi borist klukkan 2:30 að staðartíma, klukkan 1:30 að íslenskum. Fjöldi manns hafi særst þegar skotum var hleypt af.

Sár fólksins eru sögð misalvarleg og flestir eru ekki í lífshættu. Einhverjir eru þó sagðir mikið særðir.

Karabísk hátíð fór fram í hverfinu í gærkvöldi en hann hafði lokið nokkrum klukkustundum áður en skotárásin átti sér stað. Lögreglan rannsakar nú hverjir voru að verki og hvar árásin átti sér stað nákvæmlega.