Selur meydóminn til að gera móður sína stolta

Mahbuba Mammadzada, 23 ára fyrirsæta frá Azerbaijan, hefur ákveðið að selja meydóminn sinn til hæstbjóðanda. Ástæðuna segir hún vera að hún vilji gera móður sína stolta.

Fyrirsætan nýtur mikillar velgengni í heimalandinu en er nú búsett í Tyrklandi. Hún segir móður sína hafa gert allt til þess að styðja við bakið á henni og nú vilji hún launa greiðann:

„Mamma mín gerði allt fyrir mig, nú er komið að mér. Ég vil að hún sé stolt af mér.“

 

A post shared by BabeDogs(@mahbuba_mammadzada) on Aug 12, 2018 at 8:20am PDT

Hún segist vilja nota peningana til þess að kaupa hús fyrir móður sína og fjármagna nám sitt erlendis. Hún bindur vonir við að fá allt að hundrað þúsund evrur fyrir meydóminn, eða tæplega 12,5 milljónir króna. 

Fyrirsætan hefur nú þegar skilað inn læknisvottorði og birt myndband af sér á síðunni þar sem salan fer fram, og notast hún við nafnið Maria þar. Þá mun hún aðeins fá 80% af gróðanum, þar sem milligönguaðilinn Cinderella Escorts gerir kröfu um að 20% af sölunni fari til fyrirtækisins.