Sport

Númer 55 á heimslistanum en nógu góður til að slá Federer út á US Open

Óskar Ófeigur Jónsson skrifar
John Millman sigurreifur.
John Millman sigurreifur. Vísir/getty
Svissneski tennisspilarinn Roger Federer komst ekki í átta manna úrslit á Opna bandaríska meistaramótinu í tennis í ár.

Roger Federer datt út í nótt á móti Ástralanum John Millman en Millman varð þar með fyrsti spilarinn til að slá Federer á Opna bandaríska meistaramótinu sem er ekki meðal fimmtíu efstu á heimslistanum.





John Millman var bara í 55. sæti á síðasta heimslista en það kom ekki í veg fyrir það að hann vann Roger Federer 3-6 7-5 7-6 (9-7) 7-6 (7-3). Leikur þeirra tók þrjá klukkutíma og 39 mínútum.

John Millman fær að launum annan leik á móti margföldum meistara því í átta manna úrslitunum mætir hann Serbanum Novak Djokovic. Millman hefur aldrei komist svona langt á risamóti.

Millman er 29 ára gamall en það segir ýmislegt um hversu óvæntur sigur þetta var að hann hafði aldrei áður unnið mann sem var inn á topp tíu á heimslistanum.





Roger Federer hefur fimm sinnum unnið Opna bandaríska meistaramótð en síðasti sigur hans kom hins vegar fyrir tíu árum. Federer fagnaði sigri á mótinu fimm ár í röð frá 2004 til 2008.

Federer var raðað í öðru sæti inn í mótið og var að reyna að vinna sitt 21. risamót á ferlinum. Engum öðrum karlmanni hefur tekist að vinna tuttugu risamót. Sá sigur verður aftur á móti að bíða betri tíma.



Átta manna úrslit karla á Opna bandaríska meistaramótinu 2018 eru klár og þar mætast:





Rafael Nadal frá Spáni og Dominic Thiem frá Austurríki                    

Juan Martín del Potro frá Argentínu og John Isner frá Bandaríkjunum                        

Marin Cilic frá króatíu og Kei Nishikori frá Japan                        

Novak Djokovic frá Serbíu og John Millman frá Ástralíu



Átta manna úrslit kvenna á Opna bandaríska meistaramótinu 2018 eru klár og þar mætast:





Serena Williams frá Bandaríkjunum og Karolína Plíšková frá Tékklandi            

Sloane Stephens frá Bandaríkjunum og Anastasija Sevastova frá Lettlandi

Carla Suárez Navarro frá Spáni og Madison Keys frá Bandaríkjunum     

Naomi Osaka frá Japan og Lesia Tsurenko frá Úkraínu

Tennis

Mest lesið


Fleiri fréttir

Sjá meira


×

Mest lesið