Jökull Gunnarsson, framleiðslustjóri PCC BakkiSilicon hf., hefur verið ráðinn nýr forstjóri kísilmálmverksmiðju PCC á Bakka.
Í tilkynningu frá félaginu kemur fram að Hafsteinn Viktorsson, sem nú lætur af störfum sem forstjóri, muni sinna verkefnum fyrir félagið, þar á meðal hvað varðar mögulega stækkun verksmiðjunnar.
„Frá júní 2016 hefur Hafsteinn unnið að byggingu og gangsetningu kísilverksmiðjunnar á Bakka við Húsavík.
Hluthafar PCC BakkiSilicon hf. þakka honum kærlega fyrir það lykilhlutverk sem hann hefur gegnt í því verkefni og hlakka til að vinna með honum að nýjum viðfangsefnum,“ segir í tilkynningunni.
Verksmiðjunni er ætlað að framleiða 32 þúsund tonn af kísilmálmi á ári í tveimur bræðsluofnum.
Ráðinn nýr forstjóri verksmiðju PCC á Bakka
Tengdar fréttir
Styttist í að kísilofninn á Bakka verði ræstur
Fara ekki af stað nema allt sé klárt, segir framkvæmdastjóri framleiðsunnar
Kveikt á fyrsta ofninum á Bakka í vikunni
Stjórnendur kísilvers PCC á Bakka við Húsavík segja að uppsetning versins miði vel áfram.
