Marvin greinir frá þessu á Twitter-síðu sinni en hann segir í samtali við Karfan.is að það séu líkur á að hann taki slaginn í annarri deildinni með Álftanes í vetur.
„Komið gott hjá mér. Kannski spriklar maður eitthvað áfram með gömlun félögum, hver veit. En þetta var hrikalega gaman, geggjuð ár í Hveragerði og stórkostleg í Garðabænum,” skrifar Marvin og bætir við:
„Á eftir að sakna þess að rífast í dómurunun og sveifla olnboganum,” en Marvin hann hefur orðið bikarmeistari í tvígang með Stjörnunni; 2013 og 2015.
Á ferli sínum hefur Marvin spilað með Hamar í Hveragerði, Stjörnunni en hann lék fyrstu leikina í meistaraflokki með Selfyssingum 1996-97. Meistaraflokksferill Marvins spannar því rúm tuttugu ár.
Komið gott hjá mér. Kannski spriklar maður eitthvað áfram með gömlun félögum, hver veit.
— Marvin Vald (@MarvinVald) September 17, 2018
En þetta var hrikalega gaman, geggjuð ár í Hveragerði og stórkostleg í Garðabænum.
Á eftir að sakna þess að rífast í dómurunun og sveifla olnboganum.
Takk fyrir mig. https://t.co/LGyNdm4k7Q
