Kjóstu þau bestu í Olís-deildunum í september

Komið er að kosningu um leikmenn mánaðarins í Olís-deildum karla og kvenna en fjórir strákar eru tilefndir í karladeildinni og sömuleiðis fjórar konur úr Olís-deild kvenna.

Tekið er mið af tölfræði HB Statz sem og gengi liðanna í september þar sem að strákarnir spiluðu þrjár umferðir en stelpurnar aðeins tvær áður en komið var að landsliðafríi.

Ásbjörn Friðriksson, FH, Áki Egilsnes, KA, Árni Steinn Steinþórsson, Selfossi, og Arnór Freyr Stefánsson, markvörður Aftureldinar, eru tilnefndir í Olís-deild karla en þær Þórey Anna Ásgeirsdóttir úr Stjörnunni, Perla Ruth Albertsdóttir, Selfossi, Guðný Jenný Ásmundsdóttir úr ÍBV og Valskonan Anna Úrsúla Guðmundsdóttir eru tilefndar í Olís-deild kvenna.

Mikið er í boði fyrir þá leikmenn sem kosnir eru bestir en í verðlaun eru bensínkort frá Olís og ríkuleg inneign hjá Fiskikónginum.

Hægt er að kjósa hér að neðan en úrslitin verða kunngjörð í Seinni bylgjunni á Stöð 2 Sport mánudaginn 8. október.

Þessir voru bestir:

Kosningin í Olís-deild karla:

Þessar voru bestar:

Kosningin í Olís-deild kvenna: