Innlent

Mæla ekki með ferðalögum um helgina

Kolbeinn Tumi Daðason skrifar
Gul viðvörun er víða á landinu um helgina.
Gul viðvörun er víða á landinu um helgina. Veðurstofa Íslands
Ekki viðrar vel til ferðalaga um helgina, þá sérstaklega til fjalla. Veðurstofa Íslands hefur gefið út viðvörun fyrir laugardaginn sem gildir fram á hádegi á sunnudag. Mælir Veðurstofan með að ferðalangar og rjúpnaskyttur kynni sér viðvörunina sem nær til Vestfjarðar, Norðurlands og Austfjarða. 

 Þokkalegasta veður víðast hvar í dag en þó hvessir af norðaustri þegar líður á kvöldið. Norðaustan hvassviðri á morgun, einna hvassast um landið vestanvert, en hægari vindur austantil. 

 Þessu fylgir úrkoma, snjókoma eða slydda og ætti að hlána það vel að þá nái að rigna suðaustanlands og á Austfjörðum, allavega á láglendi. Vestantil ætti að vera alveg þurrt á Suðvesturlandi en él víða um landið norðvestanvert. Dregur svo úr vindi og ofankomu um kvöldið. 

 Útlit fyrir norðanátt á sunnudag, strekkingsvind og él fyrir norðan, en rigning eða slydda á köflum austast en yfirleitt þurrt syðra. Af þessu má sjá að útivist til fjalla á morgun laugardag er afleit hugmynd og ekki er sunnudagurinn neitt sérstakur, einkum fyrir norðan og austan.

Veður

Mest lesið


Fleiri fréttir

Sjá meira


×

Mest lesið