Sextán liða úrslitin byrja á Old Trafford - leikdagarnir eru klárir

Knattspyrnusamband Evrópu, UEFA, hefur ákveðið hvaða leikir fara fram á hvaða dögum í sextán liða úrslitum Meistaradeildarinnar en dregið var fyrr í dag.  Sextán liða úrslitin hefjast 12. febrúar á Old Trafford.

Fyrstu leikir sextán liða úrslitanna fara fram 12. febrúar en þá tekur Manchester United á móti franska liðinu Paris Saint-Germain á Old Trafford og Roma fær Porto í heimsókn á Ítalíu.

Tottenham liðið spilar daginn eftir þegar Borussia Dortmund kemur í heimsókn en hin ensku liðin, Liverpool og Manchester City, spila fyrri leiki sína í vikunni á eftir.

Sextán liða úrslitin enda 13. mars og verða lokaleikirnir í Barcelona og í München þar sem Liverpool-liðið kemur í heimsókn.

Manchester City spilar síðari leikinn á heimavelli sínum en öll hin ensku liðin byrja á heimavelli en eiga síðan seinni leikinn á útivelli.



Leikirnir í sextán liða úrslitunum:

 - Fyrri leikir -

12. febrúar

Manchester United - Paris Saint-Germain

Roma - Porto

13. febrúar

Tottenham - Borussia Dortmund

Ajax - Real Madrid

19. febrúar

Lyon - Barcelona

Liverpool - Bayern München

20. febrúar

Schalke 04 - Manchester City

Atlético Madrid - Juventus

- Seinni leikir -

5. mars

Borussia Dortmund - Tottenham

Real Madrid - Ajax

6. mars

Paris Saint-Germain - Manchester United

Porto - Roma

12. mars

Manchester City - Schalke 04

Juventus - Atlético Madrid

13. mars

Barcelona - Lyon

Bayern München - Liverpool



Leiðin í úrslitaleik Meistaradeildarinnar 2019:

Sextán liða úrslitin

Fyrri leikir: 12./13. og 19./20. febrúar

Seinni leikir: 5./16. og 12./13. mars

Dregið í 8 liða úrslit og undanúrslit 15. mars.

Átta liða úrslitin

Fyrri leikir: 9./10. apríl

Seinni leikir: 16./17. apríl

Undanúrslitin

Fyrri leikir: 30. apríl/1. maí

Seinni leikir: 7./8. maí

Úrslitaleikur

1. júní á Estadio Metropolitano í Madrid