Körfuboltakvöld: Fyrsti leikmaðurinn sem hægir á Kendall

Gunnar Ólafsson var frábær í sigri Keflavíkur á Val í Domino's deild karla í körfubolta á föstudagskvöld.

Sérfræðingar Domino's Körfuboltakvölds fóru fögrum orðum um Gunnar í þætti föstudagsins.

„Hann hoppar bara svo ógeðslega hátt þessi gæi. Það er alltaf eins og hann sé í einhverri annari hæð,“ sagði Jón Halldór Eðvaldsson.

Gunnar skoraði 30 stig í leiknum og tók sex fráköst.

„Hann setur hann alltaf á endalínuna og hleypir honum ekki í miðjuna. Hann er svo ógeðslega vel drillaður,“ sagði Fannar Ólafsson.

„Hann er fyrsti leikmaðurinn sem hægir á Kendall Anthony,“ bætti Kjartan Atli Kjartansson við.

Alla umræðuna má sjá hér að neðan.