„Skiptir ekki máli hvort Messi spili“

Tottenham verður að sækja sigur á Nývang, heimavöll Barcelona, í Meistaradeild Evrópu annað kvöld til þess að eiga möguleika á því að fara áfram úr riðlakeppninni.

Lionel Messi skoraði tvö glæsileg mörk beint úr aukaspyrnum fyrir Barcelona á laugardagskvöld, á sama tíma og Tottenham vann nokkuð þægilegan sigur á Leicester City.

Dele Alli skoraði annað marka Tottenham í 2-0 sigrinum og hann segir lið Tottenham fara til Spánar fullt sjálfstrausts.

„Við vitum að þetta verður erfiður leikur en þeir eru mannlegir og allir gera mistök,“ sagði Alli.

„Við þurfum að sjá til þess að við reefsum þeim. Þeir eru með eitt besta lið heims og sem barn dreymir mann um að spila á Nou Camp. Við förum þangað og reynum okkar besta.“

Sama hvað gerist er Barcelona búið að tryggja sér sigur í riðlinum. Tottenham er í öðru sæti eins og er á betri markatölu en Inter. Svo lengi sem Inter fær ekki fleiri stig en Tottenham á morgun fara Alli og félagar áfram. Inter mætir hins vegar PSV á sama tíma og Barcelona og Inter eigast við, ljóst er að PSV endar í síðasta sæti riðilsins og því gæti Inter náð í stórsigur.

Þar sem Barcelona er búið að tryggja sig áfram gæti Ernesto Valverde ákveðið að hvíla stórstjörnur sínar í leiknum.

„Messi er leikmaður sem allir horfa upp til. Hann er besti leikmaður heims að mínu mati, frábær leikmaður og það er gaman að horfa á hann spila. En ég er ekki að hugsa um hvað þeir gera með sína leikmenn.“

„Þeir eru með hágæða byrjunarlið og menn á bekknum líka. Það skiptir ekki máli hvaða leikmenn þeir setja í byrjunarliðið, þetta verður erfiður leikur.“