Þessi taka þátt í Söngvakeppninni 2019

Nú er komið í ljós hvaða lög taka þátt í Söngvakeppninni 2019.  Tíu lög keppa í ár og hefst keppnin þegar fyrri undanúrslitin  fara fram í Háskólabíói þann 9. febrúar en þá munu fimm lög keppa. Þetta kemur fram í tilkynningu RÚV.

Seinni undanúrslitin fara fram 16. febrúar en þá verða seinni fimm lögin flutt.  Tvö lög úr hvorri undankeppni komast áfram í úrslitin í gegnum símakosningu almennings. 

Það verða því fjögur lög sem keppa til úrslita í Laugardalshöll 2. mars þegar framlag Íslands til Eurovision söngvakeppninnar verður valið.  Framkvæmdastjórn keppninnar hefur þó, sem fyrr, möguleika á að bæta við einu lagi í úrslitin, svokölluðum Svarta-Pétri (Wildcard).

Kynnar í keppninni verða Benedikt Valsson og Fannar Sveinsson en þeim til halds og trausts verður Björg Magnúsdóttir sem spjallar við keppendur í baksviðs.

Keppnin hefur vaxið og dafnað síðustu árin og í ár verður ekki slegið slöku við.  Boðið verður upp á skemmtiatriði á öllum viðburðunum og von er á erlendri Eurovision-stjörnu sem mun stíga á sviðið úrslitinum í Höllinni 2. mars.  Tilkynnt verður um hana á næstu dögum.

Almenningi gefst sem fyrr kostur á að vera á staðnum en miðasala hefst miðvikudaginn 30. janúar á tix.is.  

Margir þekktir flytjendur taka þátt í ár í bland við upprennandi söngstjörnur sem eru að stíga sín fyrstu skref í tónlistarbransanum.

Hægt er að hlusta á öll lögin, lesa textana og sjá upplýsingar um flytjendur á höfunda á songvakeppnin.is

Fyrri undankeppni  í Háskólabíói - 9. febrúar

Hatrið mun sigra

Lag: Hatari

Texti: Hatari

Flytjandi: Hatari

Eitt andartak / Moving on

Lag: Örlygur Smári, Hera Björk Þórhallsdóttir og Valgeir Magnússon

Íslenskur texti: Hera Björk Þórhallsdóttir og Valgeir Magnússon

Enskur texti: Hera Björk Þórhallsdóttir og Valgeir Magnússon

Flytjandi: Hera Björk Þórhallsdóttir

Ég á mig sjálf / Mama Said

Lag: Sveinn Rúnar Sigurðsson

Íslenskur texti: Valgeir Magnússon og Sveinn Rúnar Sigurðsson

Enskur texti: Sveinn Rúnar Sigurðsson og Valgeir Magnússon

Flytjandi: Kristina Skoubo Bærendsen

Nú og hér / What Are You Waiting For?

Lag: Svala Björgvinsdóttir og Bjarki Ómarsson

Íslensku texti: Stefán Hilmarsson

Enskur texti: Svala Björgvinsdóttir og Bjarki Ómarsson

Flytjandi: Þórdís Imsland

Samt ekki / Licky Licky

Lag: Daníel Óliver Sveinsson, Linus Josefsson og Peter von Arbin

Íslenskur texti: Daníel Óliver Sveinsson

Enskur texti: Daníel Óliver Sveinsson og Linus Josefsson

Flytjandi: Daníel Óliver

Seinni undankeppni - 16. febrúar

Jeijó, keyrum alla leið  

Lag: Barði Jóhannsson

Texti: Barði Jóhannson

Flytjendur: Elli Grill, Skaði og Glymur

Hvað ef ég get ekki elskað? / What If I Can’t Have Love?

Lag: Friðrik Ómar Hjörleifsson

Íslenskur texti: Friðrik Ómar Hjörleifsson

Enskur texti: Sveinbjörn I. Baldvinsson og Friðrik Ómar Hjörleifsson

Flytjandi: Friðrik Ómar

Þú bætir mig / Make Me Whole

Lag: Stefán Þór Steindórsson og Richard Micallef

Íslenskur texti: Stefán Þór Steindórsson og Nikos Sofis

Enskur texti: Stefán Þór Steindórsson og Nikos Sofis

Flytjandi: Ívar Daníels

Betri án þín / Fighting For Love

Lag: Andri Þór Jónsson og Eyþór Úlfar Þórisson

Íslenskur texti: Andri Þór Jónsson, Eyþór Úlfar Þórisson og Tara Mobee

Enskur texti: Andri Þór Jónsson og Eyþór Úlfar Þórisson

Flytjandi: Tara Mobee

Helgi / Sunday Boy

Lag: Heiðrún Anna Björnsdóttir

Íslenskur texti: Sævar Sigurgeirsson og Heiðrún Anna Björnsdóttir

Enskur texti: Heiðrún Anna Björnsdóttir

Flytjandi: Heiðrún Anna Björnsdóttir