Hausinn á Gaupa að flækjast fyrir í auglýsingu hjá Njarðvíkingum

Njarðvíkingar taka á móti Tindastól í Domino´s deild karla og geta farið langt með að tryggja sér deildarmeistaratitilinn með sigri.

Njarðvík getur náð sex stiga forskoti á toppnum með sigri en Njarðvíkurliðið hefur unnið tíu síðustu leiki sína í deildinni eða alla leiki síða þeir skíttöpuðu fyrri leiknum á móti Tindastól á Króknum.

Auglýsing Njarðvíkinga um leikinn er frekar sérstök en þar sést hin frábæra vítaskytta Jeb Ivey vera að stilla miðið fyrir kvöldið.

Með myndbandinu stendur „ Ivey verður þar, öll ljónahjörðin og meira til. Eina.“ en það sem vekur þó mesta athygli er að hausinn á Gaupa, Guðjóni Guðmundssyni, íþróttafréttamanni er þarna líka í lausu lofti.  Það má síðan deila um það hvort eftirherman líkist Guðjóni.

Guðjón er einmitt að fara að lýsa leiknum á Stöð 2 Sport í kvöld og hefst leikurinn klukkan 20.15. Auglýsinguna má sjá hér fyrir neðan.