„Það hlyti allt að fara til helvítis sem tengdist þessum geira“ Stefán Ó. Jónsson skrifar 23. janúar 2019 14:11 Kjartan Bergur Jónsson gaf skýrslu í dómssal í dag. FBL/Stefán Kjartan Bergur Jónsson, þriðji maðurinn sem ákærður er i Icelandair-innherjasvikamálinu, gaf skýrslu þegar aðalmeðferð málsins hélt áfram eftir hádegishlé. Hinir tveir mennirnir, þeir Kristján Georg Jósteinsson og Kjartan Jónsson, gáfu skýrslu fyrr í dag og hefur Vísir þegar greint frá vitnisburði þeirra. Kjartan Bergur, sem vakið hefur athygli fyrir gott gengi á golfvellinum, byrjaði á því að þvertaka fyrir að þekkja Kjartan Jónsson að neinu ráði. Fyrstu kynni þeirra hefðu verið í flugvél eftir ferð til Dyflinnar á bardaga Gunnars Nelson, en Kjartan Bergur tók skýrt fram að þeir hafi ekki haft nein samskipti. Hann hafi þannig ekki haft hugmynd um á þeim tímapunkti að Kjartan Jónsson væri starfsmaður Icelandair. Hann hafi fyrst komist að því eftir skýrslutöku hjá saksóknara. Eins og rakið var í fyrri frétt úr aðalmeðferðinni fór Kjartan Bergur þess á leit við Kristján Georg að hann aðstoðaði sig við að koma á valréttarsamningi með bréf í Icelandair. Það segist Kjartan Bergur hafa gert í hádegismat með Kristjáni, þar sem hann segir þá hafa rætt ýmislegt sem tengdist íslensku krónunni og stöðunni í efnahagsmálum. Kjartan Bergur segist hafa verið vel með á nótunum í þeim málum vegna starfa sinna í hótelrekstri. „Ég vissi hvernig þetta var á þessum tíma þegar krónan var mjög sterk. Allur kostnaður var í íslenskum krónum og tekjur í erlendum gjaldeyri,“ sagði Kjartan Bergur til útskýringar. Yfir hádegismatnum hafi valréttarsamningur Kristjáns Georgs í Icelandair borið á góma, sem hann á að hafa lýst sem „góðu veðmáli.“ Það hafi verið þá sem Kjartan Bergur spurði Kristján hvort hann gæti hjálpað honum að gera sambærilegan samning. Kjartan Jónsson gegndi starfi forstöðumanns leiðakerfisstjórnunar Icelandair.Vísir/Vilhelm Vanur því að taka áhættu „Mér leist vel á þetta og langaði að gera eins.“ Aðspurður um hvort hann hefði spurt Kristján Georg á hverju hann byggði sannfæringu sína um hið góða veðmál svaraði Kjartan Bergur neitandi. Það væri ekki óalgengt að hann tæki stundum áhættur án þess að vera fullviss. Í ljósi þekkingar sinnar á ferðamennsku hafi því ekki verið með nokkrum hætti undarlegt að hann myndi veðja á að það færi að halla undan fæti hjá Icelandair. Viðvörunarljós væru farin að blikka í ferðamennskunni á þessum tíma. „Við hugsuðum: Það hlyti allt að fara í skrúfuna. Það hlyti allt að fara til helvítis sem tengdist þessum geira.“ Eins og vísað var til í fyrri frétt sendi Icelandair frá sér afkomuviðvörun þann 1. febrúar árið 2017, með þeim afleiðingum að hlutabréfaverð í félaginu hríðféll strax um morguninn. Sama morgun hringdi Kristján Georg í Kjartan Berg og spurði saksóknari hvað hefði farið þeim á milli. Kjartan Bergur var ekki alveg viss en áætlaði að hann hafi í símtalinu tjáð honum hvernig hefði farið fyrir hlutabréfaverðinu og að hann hygðist innleysa samning sinn, með fyrrnefndum milljóna gróða. Kjartan Bergur hafi þá beðið Kristján um að aðstoða sig við að gera slíkt hið sama. Hann hafi viljað njóta liðsinnis reyndari fjárfestis. Kristján Georg standandi með lögmanni sínum.Vísir/Vilhelm Vildi geyma reiðufé heima hjá sér Saksóknari varpaði þá upp sundurliðun úr Excel-skjali, sem sýndi hvernig Kjartan Bergur ráðstafaði hagnaðinum af umræddum valréttarsamningi. Þar mátti meðal annars sjá að Kjartan Bergur tók út 5 milljónir króna í reiðufé, sem hann vildi ekki gera mikið úr. Hann hafi einfaldlega viljað geyma reiðufé heima hjá sér. „Það er ekki ólöglegt,“ sagði Kjartan Bergur og saksóknari tók undir. Var Kjartan Bergur þá spurður hvort að Kristján Georg hafi einhvern tímann skuldað honum pening og svaraði Kjartan Bergur játandi. Um hafi verið að ræða rúmlega 2 milljónir króna sem Kristján Georg hygðist nýta til að gera upp heimili sitt. Þá skuld sagði Kjartan Bergur að Kristján hafi borgað sér til baka um leið og þeir voru búnir að innleysa valréttarsamninga sína með fyrrnefndum hagnaði. Að endingu tók Kjartan Bergur fram að sér þætti ákæran á hendur sér ruglingsleg. „Það er ekki eins og verið sé að ákæra mig fyrir viðskiptin mín heldur viðskiptin hans Kristjáns,“ sagði Kjartan Bergur og bætti við: „Ég skil ekki hvernig ég get átt hlutdeild í því sem hann ráðleggur mér.“ Kjartan Bergur er oft kenndur við lakkrísgerðina Kólus þar sem hann er með annan fótinn meðfram rekstri Norðureyja hótela. DV fjallaði í fyrra um sögu sælgætisins Þrists þar sem fram kom að Kjartan Bergur hefði farið með prufur í Árbæjarskóla þegar hann nam við skólann. „Kjartan gaf strákunum fyrstu Þristabitana í leikfimitíma. Smakkið sló í gegn og þá var ekki aftur snúið,“ segir í umfjöllun DV. Dómsmál Icelandair Innherjasvik hjá Icelandair Tengdar fréttir Innherjasvik í Icelandair: Segist vakna á morgnana og bíða eftir að dagurinn klárist Gunnar Nelson, milljónir í bókahillu, íslenskumenntun og afmælisdagur á nærbuxunum er meðal þess sem bar á góma við aðalmeðferðina í Icelandair-innherjasvikamálinu svokallaða. 23. janúar 2019 13:30 Reynslubolti í rekstri kampavínsklúbba svarar nú fyrir innherjasvik Kristján Georg Jósteinsson er einn þriggja sem ákærðir eru í Icelandair-innherjasvikamálinu. 23. janúar 2019 09:30 Mest lesið Omnom gjaldþrota og kröfuhafar uggandi Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Veitingastaðurinn opinn en lónið opnar síðar Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Nú er ekki hægt að afskrá flugvélar nema að greiða gjöldin Viðskipti innlent Telur um dulda launahækkun skrifstofufólks að ræða Viðskipti innlent Fleiri fréttir Veitingastaðurinn opinn en lónið opnar síðar Omnom gjaldþrota og kröfuhafar uggandi Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Sjá meira
Kjartan Bergur Jónsson, þriðji maðurinn sem ákærður er i Icelandair-innherjasvikamálinu, gaf skýrslu þegar aðalmeðferð málsins hélt áfram eftir hádegishlé. Hinir tveir mennirnir, þeir Kristján Georg Jósteinsson og Kjartan Jónsson, gáfu skýrslu fyrr í dag og hefur Vísir þegar greint frá vitnisburði þeirra. Kjartan Bergur, sem vakið hefur athygli fyrir gott gengi á golfvellinum, byrjaði á því að þvertaka fyrir að þekkja Kjartan Jónsson að neinu ráði. Fyrstu kynni þeirra hefðu verið í flugvél eftir ferð til Dyflinnar á bardaga Gunnars Nelson, en Kjartan Bergur tók skýrt fram að þeir hafi ekki haft nein samskipti. Hann hafi þannig ekki haft hugmynd um á þeim tímapunkti að Kjartan Jónsson væri starfsmaður Icelandair. Hann hafi fyrst komist að því eftir skýrslutöku hjá saksóknara. Eins og rakið var í fyrri frétt úr aðalmeðferðinni fór Kjartan Bergur þess á leit við Kristján Georg að hann aðstoðaði sig við að koma á valréttarsamningi með bréf í Icelandair. Það segist Kjartan Bergur hafa gert í hádegismat með Kristjáni, þar sem hann segir þá hafa rætt ýmislegt sem tengdist íslensku krónunni og stöðunni í efnahagsmálum. Kjartan Bergur segist hafa verið vel með á nótunum í þeim málum vegna starfa sinna í hótelrekstri. „Ég vissi hvernig þetta var á þessum tíma þegar krónan var mjög sterk. Allur kostnaður var í íslenskum krónum og tekjur í erlendum gjaldeyri,“ sagði Kjartan Bergur til útskýringar. Yfir hádegismatnum hafi valréttarsamningur Kristjáns Georgs í Icelandair borið á góma, sem hann á að hafa lýst sem „góðu veðmáli.“ Það hafi verið þá sem Kjartan Bergur spurði Kristján hvort hann gæti hjálpað honum að gera sambærilegan samning. Kjartan Jónsson gegndi starfi forstöðumanns leiðakerfisstjórnunar Icelandair.Vísir/Vilhelm Vanur því að taka áhættu „Mér leist vel á þetta og langaði að gera eins.“ Aðspurður um hvort hann hefði spurt Kristján Georg á hverju hann byggði sannfæringu sína um hið góða veðmál svaraði Kjartan Bergur neitandi. Það væri ekki óalgengt að hann tæki stundum áhættur án þess að vera fullviss. Í ljósi þekkingar sinnar á ferðamennsku hafi því ekki verið með nokkrum hætti undarlegt að hann myndi veðja á að það færi að halla undan fæti hjá Icelandair. Viðvörunarljós væru farin að blikka í ferðamennskunni á þessum tíma. „Við hugsuðum: Það hlyti allt að fara í skrúfuna. Það hlyti allt að fara til helvítis sem tengdist þessum geira.“ Eins og vísað var til í fyrri frétt sendi Icelandair frá sér afkomuviðvörun þann 1. febrúar árið 2017, með þeim afleiðingum að hlutabréfaverð í félaginu hríðféll strax um morguninn. Sama morgun hringdi Kristján Georg í Kjartan Berg og spurði saksóknari hvað hefði farið þeim á milli. Kjartan Bergur var ekki alveg viss en áætlaði að hann hafi í símtalinu tjáð honum hvernig hefði farið fyrir hlutabréfaverðinu og að hann hygðist innleysa samning sinn, með fyrrnefndum milljóna gróða. Kjartan Bergur hafi þá beðið Kristján um að aðstoða sig við að gera slíkt hið sama. Hann hafi viljað njóta liðsinnis reyndari fjárfestis. Kristján Georg standandi með lögmanni sínum.Vísir/Vilhelm Vildi geyma reiðufé heima hjá sér Saksóknari varpaði þá upp sundurliðun úr Excel-skjali, sem sýndi hvernig Kjartan Bergur ráðstafaði hagnaðinum af umræddum valréttarsamningi. Þar mátti meðal annars sjá að Kjartan Bergur tók út 5 milljónir króna í reiðufé, sem hann vildi ekki gera mikið úr. Hann hafi einfaldlega viljað geyma reiðufé heima hjá sér. „Það er ekki ólöglegt,“ sagði Kjartan Bergur og saksóknari tók undir. Var Kjartan Bergur þá spurður hvort að Kristján Georg hafi einhvern tímann skuldað honum pening og svaraði Kjartan Bergur játandi. Um hafi verið að ræða rúmlega 2 milljónir króna sem Kristján Georg hygðist nýta til að gera upp heimili sitt. Þá skuld sagði Kjartan Bergur að Kristján hafi borgað sér til baka um leið og þeir voru búnir að innleysa valréttarsamninga sína með fyrrnefndum hagnaði. Að endingu tók Kjartan Bergur fram að sér þætti ákæran á hendur sér ruglingsleg. „Það er ekki eins og verið sé að ákæra mig fyrir viðskiptin mín heldur viðskiptin hans Kristjáns,“ sagði Kjartan Bergur og bætti við: „Ég skil ekki hvernig ég get átt hlutdeild í því sem hann ráðleggur mér.“ Kjartan Bergur er oft kenndur við lakkrísgerðina Kólus þar sem hann er með annan fótinn meðfram rekstri Norðureyja hótela. DV fjallaði í fyrra um sögu sælgætisins Þrists þar sem fram kom að Kjartan Bergur hefði farið með prufur í Árbæjarskóla þegar hann nam við skólann. „Kjartan gaf strákunum fyrstu Þristabitana í leikfimitíma. Smakkið sló í gegn og þá var ekki aftur snúið,“ segir í umfjöllun DV.
Dómsmál Icelandair Innherjasvik hjá Icelandair Tengdar fréttir Innherjasvik í Icelandair: Segist vakna á morgnana og bíða eftir að dagurinn klárist Gunnar Nelson, milljónir í bókahillu, íslenskumenntun og afmælisdagur á nærbuxunum er meðal þess sem bar á góma við aðalmeðferðina í Icelandair-innherjasvikamálinu svokallaða. 23. janúar 2019 13:30 Reynslubolti í rekstri kampavínsklúbba svarar nú fyrir innherjasvik Kristján Georg Jósteinsson er einn þriggja sem ákærðir eru í Icelandair-innherjasvikamálinu. 23. janúar 2019 09:30 Mest lesið Omnom gjaldþrota og kröfuhafar uggandi Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Veitingastaðurinn opinn en lónið opnar síðar Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Nú er ekki hægt að afskrá flugvélar nema að greiða gjöldin Viðskipti innlent Telur um dulda launahækkun skrifstofufólks að ræða Viðskipti innlent Fleiri fréttir Veitingastaðurinn opinn en lónið opnar síðar Omnom gjaldþrota og kröfuhafar uggandi Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Sjá meira
Innherjasvik í Icelandair: Segist vakna á morgnana og bíða eftir að dagurinn klárist Gunnar Nelson, milljónir í bókahillu, íslenskumenntun og afmælisdagur á nærbuxunum er meðal þess sem bar á góma við aðalmeðferðina í Icelandair-innherjasvikamálinu svokallaða. 23. janúar 2019 13:30
Reynslubolti í rekstri kampavínsklúbba svarar nú fyrir innherjasvik Kristján Georg Jósteinsson er einn þriggja sem ákærðir eru í Icelandair-innherjasvikamálinu. 23. janúar 2019 09:30
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent