Hatrið mun sigra í hugljúfri útgáfu Þórdísar Imsland

„Ég skellti í ljúfa ábreiðu af þessu frábæra lagi frá Hatari. Hlakka til að fylgjast með Söngvakeppnin annað kvöld,“ segir söngkonan Þórdís Imsland í stöðufærslu á Facebook en þar birtir hún myndband af ábreiðu sinni af laginu Hatrið mun sigra.

Nokkuð öðruvísi útgáfa en sú upprunalega en útgáfa Þórdísar er mjög hugljúf og falleg.

Upptökur og gítar voru í höndum Birgis Sævarssonar og var Rósa Björg Ómarsdóttir í bakröddum.

Þórdís tók sjálf þátt í Söngvakeppninni með lagið Nú og Hér en komst ekki áfram á lokakvöldið.

Hér að neðan má sjá ábreiðuna.