Guardiola: Erum ekki tilbúnir að berjast um sigur í Meistaradeildinni

Pep Guardiola, stjóri Man. City, var alls ekki nógu ánægður með sína menn í Gelsenkirchen í gær þar sem þeir lentu í vandræðum gegn Schalke.

City lenti 2-1 undir í leiknum og missti svo Nicolas Otamendi af velli. Í þessari erfiðu stöðu náði liðið samt að koma til baka og vinna leikinn, 2-3.

„Þetta voru frábær úrslit en við fáum á okkur tvö víti og rautt spjald. Það er ekki gott og við erum ekki tilbúnir að berjast um titilinn þó svo þessi úrslit hafi verið góð,“ sagði Guardiola.

„Við spiluðum vel en töpuðum boltanum oft of auðveldlega og það má ekki gerast á þessu stigi keppninnar. Ég hef ekkert út á VAR að setja og er mikill aðdáandi.“