Jón Rúnar Halldórsson mun hætta sem formaður knattspyrnudeildar FH í kvöld og þegar er ljóst hver arftaki hans verður.
Það staðfestir Viðar Halldórsson, formaður FH, við fótbolti.net í dag.
Nýr formaður knattspyrnudeildar verður Valdimar Svavarsson en hann er eini frambjóðandinn til formanns hjá Fimleikafélaginu. Valdimar er hagfræðingur og fyrrverandi bæjarfulltrúi í Hafnarfirði.
Jón Rúnar hefur verið formaður knattspyrnudeildar frá árinu 2005 en hann tók við af Guðmundi Árna Stefánssyni. Með Jón í stafni hefur FH hefur verið ákaflega sigursælt og ljóst að margir munu sakna þessa litríka karakters.
Jón Rúnar hættir og Valdimar tekur við
Tengdar fréttir
Jón Rúnar segir að það standi til að hann hætti sem formaður
Aðalfundur knattspyrnudeildar FH er í kvöld og þá er fastlega búist við því að hinn litríki formaður knattspyrnudeildarinnar, Jón Rúnar Halldórsson, stigi frá borði.
Jón Rúnar gagnrýnir stjórn KSÍ: Heigulsháttur að mótmæla ekki afskiptum Ceferin
Jón Rúnar Halldórsson, formaður knattspyrnudeildar FH, var ekki sáttur með stjórn KSÍ.
Sjáðu eldræðu Jóns Rúnars um viðtalið við Ceferin
Jón Rúnar Halldórsson, formaður knattspyrnudeildar FH, sakaði stjórn og formann KSÍ um heigulshátt á ársþingi KSÍ helgina.
