Neymar brjálaður yfir vítadómnum: Fjórir menn sem vita ekkert um fótbolta

Neymar þurfti að horfa á úr stúkunni þegar liðsfélagar hans féllu úr leik í Meistaradeild Evrópu í kvöld.

Paris Saint-German tapaði 3-1 fyrir Manchester United á heimavelli sínum og fór einvígið samanlagt 3-3. Untied fer áfram á útivallarmörkum.

Markið sem tryggði United áfram kom úr vítaspyrnu sem var dæmd eftir myndbandsdómgæslu undir lokin.

Neymar var heldur betur ósáttur við dóminn og tók til Instagram til að lýsa yfir gremju sinni.

„Þetta er til skammar. UEFA velur fjóra menn sem vita ekkert um fótbolta til þess að sitja og horfa hægt á atvikið á myndbandi. Þetta var ekki hendi. Farið til fjandans,“ skrifaði hann í InstaStory.

Neymar er búinn að vera meiddur í langan tíma en er kominn aftur til Parísar frá Brasilíu þar sem hann var í endurhæfingu, en hann mun þó ekki fá að spila meira í Meistaradeildinni á þessu tímabili.

Neymar’s face when Marcus Rashford smashed in that late penalty pic.twitter.com/3hNIlqorsc

— talkSPORT (@talkSPORT) March 6, 2019