Hyggjast kæra verkfallsaðgerðir Eflingar

Samtök Atvinnulífsins ætla í dag eða á morgun að kæra tilteknar boðaðar verkfallsaðgerðir Eflingar fyrir félagsdómi en aðgerðirnar voru samþykktar í atkvæðagreiðslu um helgina.

Halldór Benjamín Þorbergsson, framkvæmdastjóri SA, segir í samtali við Morgunblaðið að sú áætlun Eflingar, að starfsfólk sinni aðeins hluta venjubundinna starfa sinna, gangi gegn skilningi margra á vinnulöggjöfinni. Því þurfi Félagsdómur að skera úr um lögmæti slíkra aðgerða.

Boðaðar aðgerðir Eflingar felast til dæmis í því að strætóbílstjórar sinni aðeins akstri, en kanni ekki farmiða farþega og þá mun hótelstarfsfólk ekki þrífa klósett né aðstoða við klósettþrif frá lokum mars fram til 1. maí.