Formaður Starfsgreinasambands Íslands segir lítið hafa gerst í dag á fyrsta fundi í kjaradeilu sambandsins og Samtaka atvinnulífsins eftir viðræðuslit. Ekki hefur verið boðað formlega til nýs fundar en þó er litið til helgarinnar varðandi næstu skref.
„Þetta var náttúrulega bara fundur sem þarf að vera hálfsmánaðarlega. Það er hálfur mánuður síðan við slitum viðræðum. Þetta var bara fundur þar sem menn hittust og fóru yfir stöðuna, það gerðist svo sem ekki neitt,“ segir Björn Snæbjörnsson formaður SGS í samtali við Vísi.
„Það er ekki búið að ákveða neitt, við sjáum til hvernig helgin verður. Það eru samtöl í gangi annars staðar en það var ekki ákveðinn neinn nýr fundur.“
Inntur eftir því hvað hann eigi við með „samtölum í gangi annars staðar“ vísar Björn til annarra stéttarfélaga, til að mynda VR og Eflingar, sem einnig funduðu með SA hjá ríkissáttasemjara í dag.
„Við erum ekki í neinum viðræðum,“ segir Björn.
Tíðindalítill fundur í dag en líta til helgarinnar
Tengdar fréttir
Leggja tillögurnar fyrir samninganefnd SGS
Nú stendur yfir fundur samninganefndar Starfsgreinasambandsins og aðgerðahóps félagsins er varðar mögulegar verkfallsaðgerðir SGS.
SGS segir miður að Framsýn beri sambandið þungum sökum
Þetta kemur fram í yfirlýsingu sem SGS sendi frá sér í dag vegna málsins.
Þétt dagskrá í húsakynnum ríkissáttasemjara
Fyrsti fundur í kjaradeilu Starfsgreinasambandsins og Samtaka atvinnulífsins eftir að SGS sleit viðræðum við SA hófst klukkan 09:30 í húsakynnum ríkissáttasemjara í morgun.
