ESB sektar Google um 200 milljarða Ari Brynjólfsson skrifar 21. mars 2019 07:15 Margrethe Vestager, yfirmaður samkeppnisdeildar ESB, á blaðamannafundinum í Brussel í gær. Fréttablaðið/EPA Evrópusambandið sektaði bandaríska tölvurisann Google um 1.490 milljónir evra, eða tæplega 200 milljarða króna, fyrir að hafa misnotað markaðsráðandi stöðu sína. Margaret Vestager, yfirmaður samkeppnisdeildar ESB, greindi frá þessu í Brussel í gær. Brot Google áttu sér stað á tíu ára tímabili, frá árinu 2006 til 2016. Brotin felast í því að hindra að keppinautarnir selji auglýsingar á netinu með því að nota markaðsráðandi stöðu sína. Eftir að málið komst upp breytti Google auglýsingasamningum sínum við þriðja aðila til að veita þeim meira svigrúm til að birta auglýsingar í samkeppni við Google. „Google er búið að festa sig í sessi sem risinn á markaðnum með auglýsingar á netinu og hefur náð að skýla sér fyrir samkeppni með því að setja samkeppnishamlandi skilmála í samningum við þriðja aðila,“ sagði Vestager. „Þetta er bannað samkvæmt samkeppnislögum ESB.“ Kent Walker, yfirmaður alþjóðadeildar Google, lofar bót og betrun. „Við höfum nú þegar gert margvíslegar breytingar til að koma til móts við samkeppnisdeildina. Við munum gera frekari breytingar á næstunni til að auka sýnileika keppinauta okkar í Evrópu.“Kent Walker, yfirmaður alþjóðadeildar Google.Fréttablaðið/EPAWalker kynnti einnig í gær breytingar á Android-stýrikerfinu fyrir síma. Í fyrra fékk fyrirtækið sekt frá ESB fyrir að neyða framleiðendur síma sem nota Android til að láta vafra, leitarvél og smáforritaverslun Google fylgja með. Fyrirtækið sagði að það væri nú þegar búið að breyta skilmálum sínum, sem heimila símaframleiðendum að láta smáforrit frá öðrum framleiðendum fylgja með. Sektin í gær er sú þriðja á innan við þremur árum sem ESB leggur á Google fyrir brot á samkeppnislögum. Alls er búið að sekta fyrirtækið um 8,9 milljarða evra, eða sem nemur 1.200 milljörðum króna. Google er markaðsráðandi þegar kemur að leitarvélum, mest í Evrópu þar sem markaðshlutdeildin er 90 prósent. Alphabet, móðurfélag Google, þénar umtalsverðar fjárhæðir í gegnum auglýsingasölu. Hagnaðurinn í fyrra nam 30,7 milljörðum dollara, eða tæplega 3.600 milljörðum króna. Auglýsingatekjur Google koma helst inn í gegnum AdSense, forrit sem birtir leitarniðurstöður frá aðilum sem hafa greitt fyrir það samhliða hefðbundnum leitarniðurstöðum. Einnig birtir forritið auglýsingar sem eru sérsniðnar að notandanum, er til dæmis tekið mið af staðsetningu og hvernig vef notandinn er að skoða. Einnig er tekið mið af fyrri leitum notandans. Til að fá hagnað í gegnum auglýsingar hafi vefsíðueigendur þurft að gangast við því að gefa Google öll verðmætustu auglýsingaplássin ásamt því að þurfa að fá leyfi frá Google til að birta auglýsingar í gegnum Yahoo! eða Microsoft. Á blaðamannafundi í gær lýsti Vestager Google sem millilið fyrir auglýsingar sem hefði komið sér upp vítahring. „Keppinautar Google gátu ekki stækkað, sem leiddi til þess að eigendur vefsíðna þurftu að reiða sig eingöngu á Google,“ sagði Vestager í gær. „Það var engin ástæða fyrir Google að leggja á þessar kvaðir aðrar en til að hindra samkeppni.“ Birtist í Fréttablaðinu Evrópusambandið Google Mest lesið Stöðva þurfi rányrkju bílastæðaeigenda Neytendur Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent 4,4 milljarðar til borgarinnar vegna framkvæmda á Hólmsheiði Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Stórfyrirtæki hyggja á uppbyggingu á Hólmsheiði Viðskipti innlent Þetta kostar skyndibiti á Íslandi Neytendur Bæta við níunda áfangastað sínum á Spáni Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Evrópusambandið sektaði bandaríska tölvurisann Google um 1.490 milljónir evra, eða tæplega 200 milljarða króna, fyrir að hafa misnotað markaðsráðandi stöðu sína. Margaret Vestager, yfirmaður samkeppnisdeildar ESB, greindi frá þessu í Brussel í gær. Brot Google áttu sér stað á tíu ára tímabili, frá árinu 2006 til 2016. Brotin felast í því að hindra að keppinautarnir selji auglýsingar á netinu með því að nota markaðsráðandi stöðu sína. Eftir að málið komst upp breytti Google auglýsingasamningum sínum við þriðja aðila til að veita þeim meira svigrúm til að birta auglýsingar í samkeppni við Google. „Google er búið að festa sig í sessi sem risinn á markaðnum með auglýsingar á netinu og hefur náð að skýla sér fyrir samkeppni með því að setja samkeppnishamlandi skilmála í samningum við þriðja aðila,“ sagði Vestager. „Þetta er bannað samkvæmt samkeppnislögum ESB.“ Kent Walker, yfirmaður alþjóðadeildar Google, lofar bót og betrun. „Við höfum nú þegar gert margvíslegar breytingar til að koma til móts við samkeppnisdeildina. Við munum gera frekari breytingar á næstunni til að auka sýnileika keppinauta okkar í Evrópu.“Kent Walker, yfirmaður alþjóðadeildar Google.Fréttablaðið/EPAWalker kynnti einnig í gær breytingar á Android-stýrikerfinu fyrir síma. Í fyrra fékk fyrirtækið sekt frá ESB fyrir að neyða framleiðendur síma sem nota Android til að láta vafra, leitarvél og smáforritaverslun Google fylgja með. Fyrirtækið sagði að það væri nú þegar búið að breyta skilmálum sínum, sem heimila símaframleiðendum að láta smáforrit frá öðrum framleiðendum fylgja með. Sektin í gær er sú þriðja á innan við þremur árum sem ESB leggur á Google fyrir brot á samkeppnislögum. Alls er búið að sekta fyrirtækið um 8,9 milljarða evra, eða sem nemur 1.200 milljörðum króna. Google er markaðsráðandi þegar kemur að leitarvélum, mest í Evrópu þar sem markaðshlutdeildin er 90 prósent. Alphabet, móðurfélag Google, þénar umtalsverðar fjárhæðir í gegnum auglýsingasölu. Hagnaðurinn í fyrra nam 30,7 milljörðum dollara, eða tæplega 3.600 milljörðum króna. Auglýsingatekjur Google koma helst inn í gegnum AdSense, forrit sem birtir leitarniðurstöður frá aðilum sem hafa greitt fyrir það samhliða hefðbundnum leitarniðurstöðum. Einnig birtir forritið auglýsingar sem eru sérsniðnar að notandanum, er til dæmis tekið mið af staðsetningu og hvernig vef notandinn er að skoða. Einnig er tekið mið af fyrri leitum notandans. Til að fá hagnað í gegnum auglýsingar hafi vefsíðueigendur þurft að gangast við því að gefa Google öll verðmætustu auglýsingaplássin ásamt því að þurfa að fá leyfi frá Google til að birta auglýsingar í gegnum Yahoo! eða Microsoft. Á blaðamannafundi í gær lýsti Vestager Google sem millilið fyrir auglýsingar sem hefði komið sér upp vítahring. „Keppinautar Google gátu ekki stækkað, sem leiddi til þess að eigendur vefsíðna þurftu að reiða sig eingöngu á Google,“ sagði Vestager í gær. „Það var engin ástæða fyrir Google að leggja á þessar kvaðir aðrar en til að hindra samkeppni.“
Birtist í Fréttablaðinu Evrópusambandið Google Mest lesið Stöðva þurfi rányrkju bílastæðaeigenda Neytendur Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent 4,4 milljarðar til borgarinnar vegna framkvæmda á Hólmsheiði Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Stórfyrirtæki hyggja á uppbyggingu á Hólmsheiði Viðskipti innlent Þetta kostar skyndibiti á Íslandi Neytendur Bæta við níunda áfangastað sínum á Spáni Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira