Kasym-Zjomart Tokajev, bráðabirgðaforseti Kasakstans, hefur tilkynnt að nýr forseti landsins verði kjörinn í júní. Upphaflega stóð til að forsetakosningar færu fram í landinu á næsta ári, en Nursultan Nazarbajev, forseti Kasakstans til nærri þriggja áratuga, tilkynnti óvænt um afsögn sína í síðasta mánuði.
Eftir afsögn Nazarbajev tók Tokajev við embættinu til bráðabirgða, en hann hafði áður gegnt embætti forseta þingsins.
Tokajev greindi frá því í sjónvarpsávarpi í dag að ákvörðunin um forsetakosningar hafi verið tekin í samráði við meðal annars Nazarbajev, eða „elbasy“ (í. landsföðurinn). Stendur til að halda kosningarnar þann 9. júní næstkomandi.
Tokajev sagði það hlutverk sitt sem starfandi þjóðhöfðingi að tryggja að kosningarnar verði opnar, frjálsar og sanngjarnar.
Stjórnarandstæðingar hafa sakað Nazarbajev um að ætla sér að gera gera dóttur sína Dariga Nazarbajeva að næsta forseta landsins.
Kasakar kjósa nýjan forseta í júní
Tengdar fréttir
Sakar Nazarbajev um að ætla sér að gera dóttur sína að forseta
Lögregla í Kasakstan hefur handtekið tugi mótmælenda og andstæðinga stjórnvalda í tveimur stærstu borgum landsins.
Kasakar breyta nafni höfuðborgarinnar
Kasöksk stjórnvöld hafa tekið ákvörðun um að breyta nafni höfuðborgar landsins.
Þaulsetinn forseti Kasakstans segir af sér
Nursultan Nazarbayev, forseti Kasakstans til 29 ára, hefur tilkynnt um afsögn sína.
