Nicolás Maduro, forseti Venesúela, lýsti því yfir í sjónvarpsávarpi í gærkvöldi, að tekist hafi að brjóta á bak aftur tilraun Juan Guaidó, leiðtoga stjórnarandstöðunnar, til valdaráns. Um hundrað særðust í átökum sem brutust út í Venesúela í gær.
Í ávarpinu sagði Maduro að Guaidó hafi mistekist að fá herinn á sitt band gegn Maduro en Guaidó hefur haldið því fram að Maduro hafi misst stjórn á hernum og að nauðsynlegt sé að hann víki. Maduro sagði ennfremur að mótmælendur hafi gerst sekir um alvarlega glæpi og að þeir verði sóttir til saka.
Yfir fimmtíu þjóðarleiðtogar hafa lýst yfir stuðningi við Guaidó og sagt hann réttmætan leiðtoga Venesúela. Maduro nýtur hins vegar enn stuðnings ríkja á borð við Kína og Rússland.
Guaidó hvatti stuðningsmenn sína til að halda áfram mótmælum í dag og krefjast þess að Maduro víki alveg, svo koma megi á friði í landinu.
Ófremdarástand ríkir nú í Venesúela þar sem íbúar glíma við óðaverðbólgu, matarskort og ítrekaðan rafmagnsskort.
Kveðst hafa brotið valdaránstilraun Guaidó á bak aftur
Tengdar fréttir
Átök brutust út á milli stjórnar og andstöðunnar í Venesúela
Lögregla og þjóðvarðlið vörpuðu táragasi á stuðningsmenn stjórnarandstöðuleiðtogans og starfandi forsetans Juan Guaidó í höfuðborg Venesúela eftir að hann birti myndband af sér með hermönnum og hvatti fólk til þess að grípa til aðgerða.
Segja þrjá úr innsta hring Maduro hafa samþykkt að hann þyrfti að fara frá
Mótmælendur þyrptust á götur höfuðborgarinnar Caracas í dag til að sýna ýmist Guaidó eða Maduro stuðning.
Venesúela: Brynvörðum bílum ekið inn í hóp fólks
Yfirvöld í Venesúela segjast hafa komið í veg fyrir tilraun til valdaráns á meðan Juan Guaidó segist vera á lokametrunum við að binda endi á valdatíð forsetans Nicolás Maduro.
