Glenn Hoddle, fyrrum knattspyrnustjóri Tottenham, telur að Harry Kane muni byrja úrslitaleik Meistaradeildar Evrópu á bekknum eftir að hafa rætt við framherjann í gær.
Kane meiddist á ökkla 9. apríl og hefur ekki spilað fótbolta síðan þá. Hann segist vera tilbúinn en það er einn helsti umræðupunkturinn fyrir leikinn í kvöld hvort Mauricio Pochettino seti enska landsliðsfyrirliðann í byrjunarliðið.
„Ég hef tilfinningu fyrir því að hann búist við því að byrja á bekknum,“ sagði Hoddle á BT Sport.
„Ég myndi byrja með hann á bekknum. Það er þá hægt að setja hann inn í seinni hálfleik ef þess þarf.“
Það kemur í ljós í kvöld hvort Pochettino taki sénsinn á Kane en leikur Liverpool og Tottenham hefst klukkan 19:00. Hann verður í beinni útsendingu á Stöð 2 Sport þar sem upphitun hefst 18:15.
Ræddi við Kane í gær og telur hann byrja á bekknum
Tengdar fréttir
Kane segist tilbúinn í úrslitaleikinn gegn Liverpool
Harry Kane segist vera tilbúinn til leiks gegn Liverpool í úrslitaleik Meistaradeildar Evrópu og að hann sé búinn að jafna sig á meiðlsum.
„Sársaukafullt að geta bara valið ellefu leikmenn“
Mauricio Pochettino segir það verða sársaukafullt að velja þá ellefu leikmenn sem byrja fyrsta úrslitaleik Meistaradeildar Evrópu í sögu Tottenham.
