Tví­burar Rúnars og Ey­rúnar Telmu komnir í heiminn

Það vakti mikla athygli þegar Vala Matt fór fyrir Ísland í dag og ræddi við ungu hjónin Rúnar Geirmundsson og Eyrúnu Telmu Jónsdóttur sem voru lengi búin að reyna að eignast barn.

Ekkert gekk hins vegar og glasafrjóvgun á Íslandi var allt of dýr svo brúðkaupsgestirnir þeirra ákváðu að gefa þeim pening til að fjármagna glasafrjóvgun. Fór svo að þau fengu óvænt tvíbura sem komu í heiminn fyrir um mánuði.

Vala og Ísland í dag heimsótti þau Eyrúnu Telmu og Rúnar og nýfædda brúðargjöfina, það er að segja tvíburana.

Eyrún og Rúnar hafa verið mjög reið og gagnrýnt harðlega hve dýrt er að fara í glasafrjóvgun hér á landi en ekki á hinum Norðurlöndunum. Í dag er hins vegar komin ný löggjöf varðandi glasafrjóvgun, breyting sem þau fagna en vilja þó að meira verði að gert fyrir fólk sem á í vandræðum með að eignast barn.

Að neðan má sjá innslagið í Íslandi í dag frá því fyrr í kvöld og þar fyrir neðan fyrra innslag þáttarins um þau Rúnar og Eyrúnu.