Innkalla hrískökur frá Amisa

Heilsa ehf. innkallar hrískökur með súkkulaði frá vörumerkinu Amisa með dagsetningunni 15.11.2019.

Ástæða innköllunar er að í þessari framleiðslulotu fannst of hátt hlutfall af mjólkurpróteini.

Þetta kemur fram í tilkynningu Heilsu ehf. þar sem segir jafnframt um vöruna:

„Vöruheiti: Amisa, lactose free rice milk chocolate rice cakes 100g

Strikamerki: 5032722312814

Lotunúmer: dags: 15.11.2019

Ofangreind vara hefur verið seld í verslunum Nettó, Heilsuhúsinu og í Melabúðinni

Við bendum viðskiptavinum á að þeir geta skilað vöru með þessari dagsetningu í næstu verslun Heilsuhússins, í Nettó eða Melabúðina.

Ef óskað er eftir frekari upplýsingum vinsamlegast hafið samband við Heilsu ehf. í síma 517-0670.“