Englendingar sitja með fullt hús stiga á toppi A-riðils undankeppni EM 2020 eftir öruggan sigur á Búlgaríu á heimavelli í dag.
Markahrókurinn Harry Kane skoraði þrennu í leiknum og Raheem Sterling gerði eitt mark í 4-0 sigri Englands sem hefur nú unnið þrjá fyrstu leiki sína í keppninni.
Enska liðið þurfti lítið að hafa fyrir sigrinum í dag og gat Gareth Southgate gefið hinum unga Mason Mount sýnar fyrstu A-landsliðsmínútur undir lok leiksins.
Úkraínumenn þurftu ekki heldur að hafa mikið fyrir því að leggja Litháen að velli.
Oleksandr Zinchenko kom Úkraínu yfir á sjöundu mínútu og Marlos Bonfim tvöfaldaði forystuna áður en fyrri hálfleikur var úti.
Ruslan Malinovskiy gulltryggði svo sigurinn í seinni hálfleik og eru Úkraínumenn með 13 stig eftir fimm leiki í B-riðli.
