Það var hiti í mönnum í leik Þór Akureyri og ÍR í Dominos-deild karla í gærkvöldi en tveir leikmenn fengu reisupassann.
Undir lok þriðja leikhluta sauð allt upp úr er Daða Berg Grétarssyni og Mantas Virbalas lenti saman undir körfunni en Daði gekk ansi vasklega fram.
Mantas brást eðlilega við og reyndi að ýta Daða í burtu frá sér en dómarar leiksins ákváðu að senda báða leikmenn í sturtu.
Lárus Jónsson, þjálfari Þórs, sagði eftir leikinn í gær að hann héldi að Daði væri á leið í langt bann er hann ræddi atvikið við blaðamann Vísis norðan heiða.
Domino's Körfuboltakvöld fór yfir málið í þætti sínum í gær en umfjöllunina má sjá hér að ofan.
