Laus frá Blackburn og gæti samið við Roma: Slæmar fréttir fyrir Emil?

Jack Rodwell mun í dag gangast undir læknisskoðun hjá Roma og mögulega skrifa undir hjá félaginu ef allt gengur eftir óskum.

Sky Sports fréttastofan greinir frá þessu en fyrrum enski landsliðsmaðurinn er nú staddur í Rómarborg en hann hefur verið án félags síðan í sumar.

Hann spilaði með Blackburn á síðustu leiktíð þar sem hann skoraði 23 mörk en hann hefur ekki spilað fótboltaleik síðan í 2-1 tapi Blackburn gegn Norwich 27. apríl.

Rodwell ólst upp hjá Everton áður en hann fór til Manchester City og þaðan til Sunderland. Síðast lék hann svo með Blackburn.

Who saw that coming?

Jack Rodwell is in talks with Roma over a shock move to Serie A.

Here's what the papers say

https://t.co/W0AxcRkDkApic.twitter.com/PYWLbroSNl

— BBC Sport (@BBCSport) October 24, 2019

Meiðsli herja á miðjumenn Roma en Henrikh Mkhitaryan, Bryan Cristante, Lorenzo Pellegrini og Amadou Diawara meiddust allir á fyrstu tveimur mánuðum tímabilsins.

Landsliðsmaðurinn Emil Hallfreðsson var á dögunum orðaður við ítalska liðið en umboðsmaður hans ku hafa rætt við Róma í gær.

Ekki er vitað hvort að Roma hafi áhuga að fá bæði Emil og Rodwell til liðs við sig vegna meiðsla miðjumannanna.

Roma gerði 1-1 jafntefli við Mönchengladbach í Evrópudeildinni í gær.