Vals­stúlkur enn tap­lausar og Kefla­vík hafði betur í Suður­nesja­slagnum

Valur hafðu betur gegn Haukum í baráttu liða séra Friðriks en liðin mættust í 6. umferð Dominos-deildar kvenna í kvöld.

Lokatölurnar urðu 74-57 en ekki hefur nein tölfræði borist úr leiknum. Valur er á toppnum með fullt hús stiga eftir sex leiki en Haukar eru í þriðja sætinu með átta stig.

Í Grindavík vann Keflavík fjögurra stiga sigur, 80-76, á heimastúlkum en Keflavík er eftir sigurinn í 5. sæti deildarinnar með sex stig.

Grindavík er án stiga en eins og í leiknum í Hafnarfirði hefur ekki nein tölfræði borist úr leiknum.

Við munum birta tölfræðina um leið og hún berst.