Bubbi málar lögin sín á meðan Tolli slæst Benedikt Bóas skrifar 28. nóvember 2019 07:15 Bræðurnir Morthens með dóttur Tolla, skáldkonuna Ásdísi Þulu, á milli sín en öll leggja þau sín andans lóð á fullveldisvogarskálarnar á sunnudaginn. Neðarlega til hliðar við Bubba sést lagið hans góðkunna, Það er gott að elska, eins og það birtist honum sem málverk. Fréttablaðið/Sigtryggur Ari Myndlistarmaðurinn Tolli Morthens hvikar hvergi frá þeirri rótgrónu jólahefð sinni að vera með opið hús á vinnustofu sinni ár hvert og fagna þannig fullveldisdegi Íslendinga um leið og jólastemningin er keyrð í gang með góðra vina hjálp. Engin breyting verður á þessu í ár og Tolli býður gesti og gangandi velkomna til sín á Héðinsgötu 2 í Laugarnesi á laugardaginn þegar hann stillir upp einvalaliði til að skemmta gestum sínum. „Þetta er áralöng hefð hjá mér og mér þykir afar vænt um þetta verkefni og þakklátur að vinir mínir vilja koma með mér í þetta,“ segir Tolli sem opnar vinnustofuna klukkan 15 og reiknar með að hátíðarhöldin standi í tvær klukkustundir, til klukkan 17.Það fossar ferskt blóð … „Ég nýti líka alltaf þetta tækifæri til að taka með mér ungt, upprennandi og kraftmikið listafólk til að kynna fyrir gestunum mínum. Það er ábyrgðarhluti að við sem eldri erum greiðum götu þeirra sem eru að byrja á þessari vegferð sem við þekkjum svo vel,“ heldur Tolli áfram. „Í þessu tilfelli rennur mér blóðið til skyldunnar í orðsins fyllstu merkingu.“ Skáldkonan Ásdís Þula Þorláksdóttir mun lesa úr nýútkominni ljóðabók sinni, Sólstöfum, en þar yrkir hún í anda gömlu þulnanna og kallast þannig á við kveðskapinn sem finna má í „Vísnabókinni okkar“ og þulum Theodóru Thoroddsen, sem svo skemmtilega vill til að er langamma Ásdísar.… í eldri höfunda slóð Þá ætlar rithöfundurinn Einar Már Guðmundsson að lesa upp úr verkum sínum og sjálfur Bubbi Morthens, bróðir Tolla, mun einnig fara með nokkur ljóð úr nýrri ljóðabók sinni. Hann mun einnig og að sjálfsögðu grípa í gítarinn og taka nokkur lög. Einar og Bubbi eru fyrir löngu orðnir fastir gestir hjá Tolla í upphafi aðventu enda hafa drengirnir úr Vogahverfinu haldið hópinn í gegnum ófáa áratugina. Myndlistin er eðli málsins samkvæmt í öndvegi en af því sem verður til sýnis að þessu sinni má nefna verk eftir Kristínu Morthens. Hún hefur numið, starfað og sýnt myndlist í Kanada og reyndar úti um allan heim. Hún ætlar að sýna kraftmikil og litrík olíumálverk sem hafa vakið mikla athygli.Það er gott að elska á striga Þá stígur Bubbi einnig fram sem myndlistarmaður og sýnir málverk sem hann hefur unnið að undanförnu og hann lýsir sem minnum við lögin sín og óneitanlega verður forvitnilegt að sjá hvernig lögin hans Bubba birtast honum á striga. „Ég hef verið með stóra bróður að mála og átt geggjaðar stundir og ég fer í gymmið mjög snemma og kem svo til hans. Nokkrum sinnum í viku kemur til hans þjálfari í bardagaíþróttum, þá mála ég meðan Tolli er frjáls í flæðinu,“ sagði Bubbi nýlega á Fésbókinni um glímu sína við Svartan afgan, Öskur trúðsins, Hiroshima og fleiri lög í olíu á striga en afraksturinn verður til sýnis á sunnudaginn. Allir eru velkomnir þegar gleðin hefst klukkan 15 á laugardaginn en auk alls þessa andans fóðurs verða veitingar frá Jóa í Múlakaffi á boðstólum á meðan þær endast. Birtist í Fréttablaðinu Myndlist Tónlist Mest lesið Bíllinn fannst þremur vikum eftir þjófnaðinn og þá lögfræðibók með Lífið Frægustu vinslit Íslandssögunnar Lífið Stefán Einar og Sara Lind í sundur Lífið Elti ástina til Íslands Tónlist Bryan Adams breytti Eldborg í grátkór íslenskra karla Gagnrýni Taka ákvörðun á hverjum degi að elska hvort annað Lífið Hjartaknúsarinn tileinkaði íslenskri fyrirsætu rómantískan slagara Lífið Tólf og þrettán ára fatahönnuðir á Akureyri slá í gegn Lífið „Gæti skrifað bókaseríu um vandræðileg stefnumót“ Makamál Ósamþykkt kjallaraíbúð á rúmar 44 milljónir Lífið Fleiri fréttir Frægustu vinslit Íslandssögunnar Stefán Einar og Sara Lind í sundur Bíllinn fannst þremur vikum eftir þjófnaðinn og þá lögfræðibók með Tólf og þrettán ára fatahönnuðir á Akureyri slá í gegn Taka ákvörðun á hverjum degi að elska hvort annað Ósamþykkt kjallaraíbúð á rúmar 44 milljónir Hélt að Sálin hafi hvatt fólk til að horfa til himins með höfuðið hátt Hátíð sem er skipulögð í kringum yngstu kynslóðina Laufey Lín skartaði íslenska fánanum á Coachella Viðar Örn og Sylvía Rós eiga von á barni Heillandi hús við Laugalæk úr smiðju Kjartans Sveinssonar Hjartaknúsarinn tileinkaði íslenskri fyrirsætu rómantískan slagara Hafa aldrei rifist Stjörnulífið: Frumsýnir kærastann á Tenerife Stóri plokkdagurinn haldinn á sunnudaginn Ótrúleg heimkoma Búbba sem fauk alla leið í Kópavog Elizabeth Hurley og Billy Ray Cyrus stinga saman nefjum „Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“ Páskakveðjur stjórnmálaflokka: Gervigreind, páskaeggjaleit og Sigmundur með kanínueyru Litla hryllingsbúðin kveður á Akureyri Svarar því hve mörg páskaegg þurfi að borða til að bæta á sig kílói Krakkatían: Páskar, söngkeppnir og afmælisbörn Ekki á leið í samband bara til að þóknast samfélaginu Trommari New Pornographers ákærður fyrir vörslu barnaníðsefnis Metfjöldi á Aldrei fór ég suður: „Þetta var algjör draumur“ Veikindafríi Páls Óskars lokið Fréttatía vikunnar: Íþróttir, afsökunarbeiðni og bækur Konfettíið enn að hrynja meðan hnéð „fimmfaldaðist“ Sunneva og Benedikt trúlofuð Tónlistarmyndband Addison Rae tekið upp á Íslandi Sjá meira
Myndlistarmaðurinn Tolli Morthens hvikar hvergi frá þeirri rótgrónu jólahefð sinni að vera með opið hús á vinnustofu sinni ár hvert og fagna þannig fullveldisdegi Íslendinga um leið og jólastemningin er keyrð í gang með góðra vina hjálp. Engin breyting verður á þessu í ár og Tolli býður gesti og gangandi velkomna til sín á Héðinsgötu 2 í Laugarnesi á laugardaginn þegar hann stillir upp einvalaliði til að skemmta gestum sínum. „Þetta er áralöng hefð hjá mér og mér þykir afar vænt um þetta verkefni og þakklátur að vinir mínir vilja koma með mér í þetta,“ segir Tolli sem opnar vinnustofuna klukkan 15 og reiknar með að hátíðarhöldin standi í tvær klukkustundir, til klukkan 17.Það fossar ferskt blóð … „Ég nýti líka alltaf þetta tækifæri til að taka með mér ungt, upprennandi og kraftmikið listafólk til að kynna fyrir gestunum mínum. Það er ábyrgðarhluti að við sem eldri erum greiðum götu þeirra sem eru að byrja á þessari vegferð sem við þekkjum svo vel,“ heldur Tolli áfram. „Í þessu tilfelli rennur mér blóðið til skyldunnar í orðsins fyllstu merkingu.“ Skáldkonan Ásdís Þula Þorláksdóttir mun lesa úr nýútkominni ljóðabók sinni, Sólstöfum, en þar yrkir hún í anda gömlu þulnanna og kallast þannig á við kveðskapinn sem finna má í „Vísnabókinni okkar“ og þulum Theodóru Thoroddsen, sem svo skemmtilega vill til að er langamma Ásdísar.… í eldri höfunda slóð Þá ætlar rithöfundurinn Einar Már Guðmundsson að lesa upp úr verkum sínum og sjálfur Bubbi Morthens, bróðir Tolla, mun einnig fara með nokkur ljóð úr nýrri ljóðabók sinni. Hann mun einnig og að sjálfsögðu grípa í gítarinn og taka nokkur lög. Einar og Bubbi eru fyrir löngu orðnir fastir gestir hjá Tolla í upphafi aðventu enda hafa drengirnir úr Vogahverfinu haldið hópinn í gegnum ófáa áratugina. Myndlistin er eðli málsins samkvæmt í öndvegi en af því sem verður til sýnis að þessu sinni má nefna verk eftir Kristínu Morthens. Hún hefur numið, starfað og sýnt myndlist í Kanada og reyndar úti um allan heim. Hún ætlar að sýna kraftmikil og litrík olíumálverk sem hafa vakið mikla athygli.Það er gott að elska á striga Þá stígur Bubbi einnig fram sem myndlistarmaður og sýnir málverk sem hann hefur unnið að undanförnu og hann lýsir sem minnum við lögin sín og óneitanlega verður forvitnilegt að sjá hvernig lögin hans Bubba birtast honum á striga. „Ég hef verið með stóra bróður að mála og átt geggjaðar stundir og ég fer í gymmið mjög snemma og kem svo til hans. Nokkrum sinnum í viku kemur til hans þjálfari í bardagaíþróttum, þá mála ég meðan Tolli er frjáls í flæðinu,“ sagði Bubbi nýlega á Fésbókinni um glímu sína við Svartan afgan, Öskur trúðsins, Hiroshima og fleiri lög í olíu á striga en afraksturinn verður til sýnis á sunnudaginn. Allir eru velkomnir þegar gleðin hefst klukkan 15 á laugardaginn en auk alls þessa andans fóðurs verða veitingar frá Jóa í Múlakaffi á boðstólum á meðan þær endast.
Birtist í Fréttablaðinu Myndlist Tónlist Mest lesið Bíllinn fannst þremur vikum eftir þjófnaðinn og þá lögfræðibók með Lífið Frægustu vinslit Íslandssögunnar Lífið Stefán Einar og Sara Lind í sundur Lífið Elti ástina til Íslands Tónlist Bryan Adams breytti Eldborg í grátkór íslenskra karla Gagnrýni Taka ákvörðun á hverjum degi að elska hvort annað Lífið Hjartaknúsarinn tileinkaði íslenskri fyrirsætu rómantískan slagara Lífið Tólf og þrettán ára fatahönnuðir á Akureyri slá í gegn Lífið „Gæti skrifað bókaseríu um vandræðileg stefnumót“ Makamál Ósamþykkt kjallaraíbúð á rúmar 44 milljónir Lífið Fleiri fréttir Frægustu vinslit Íslandssögunnar Stefán Einar og Sara Lind í sundur Bíllinn fannst þremur vikum eftir þjófnaðinn og þá lögfræðibók með Tólf og þrettán ára fatahönnuðir á Akureyri slá í gegn Taka ákvörðun á hverjum degi að elska hvort annað Ósamþykkt kjallaraíbúð á rúmar 44 milljónir Hélt að Sálin hafi hvatt fólk til að horfa til himins með höfuðið hátt Hátíð sem er skipulögð í kringum yngstu kynslóðina Laufey Lín skartaði íslenska fánanum á Coachella Viðar Örn og Sylvía Rós eiga von á barni Heillandi hús við Laugalæk úr smiðju Kjartans Sveinssonar Hjartaknúsarinn tileinkaði íslenskri fyrirsætu rómantískan slagara Hafa aldrei rifist Stjörnulífið: Frumsýnir kærastann á Tenerife Stóri plokkdagurinn haldinn á sunnudaginn Ótrúleg heimkoma Búbba sem fauk alla leið í Kópavog Elizabeth Hurley og Billy Ray Cyrus stinga saman nefjum „Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“ Páskakveðjur stjórnmálaflokka: Gervigreind, páskaeggjaleit og Sigmundur með kanínueyru Litla hryllingsbúðin kveður á Akureyri Svarar því hve mörg páskaegg þurfi að borða til að bæta á sig kílói Krakkatían: Páskar, söngkeppnir og afmælisbörn Ekki á leið í samband bara til að þóknast samfélaginu Trommari New Pornographers ákærður fyrir vörslu barnaníðsefnis Metfjöldi á Aldrei fór ég suður: „Þetta var algjör draumur“ Veikindafríi Páls Óskars lokið Fréttatía vikunnar: Íþróttir, afsökunarbeiðni og bækur Konfettíið enn að hrynja meðan hnéð „fimmfaldaðist“ Sunneva og Benedikt trúlofuð Tónlistarmyndband Addison Rae tekið upp á Íslandi Sjá meira
„Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“