Banabiti Guðmundar var tapið í bikarnum

Guðmundur Helgi Pálsson var látinn fara frá Fram í Olís-deild karla í vikunni en hann hefur þjálfað liðið frá 2016.

Í janúar á síðasta ári skrifaði Guðmundur Helgi svo undir nýjan samning við Fram en stjórnarmenn Fram ákváðu að breyta til í brúnni í vikunni.

Morgunblaðið greinir frá því að kornið sem hafi fyllt mælinn hafi verið tapið gegn nýliðum Fjölnis í Coca-Cola bikarnum en leiknum lauk með 27-25 sigri Fjölnis.

.@framhandbolti komið með nýjan þjálfara.https://t.co/XZgDMCOPzM

— Sportið á Vísi (@VisirSport) November 26, 2019

Fram er í 9. sæti deildarinnar með sjö stig en Fjölnir er í fallsæti, tveimur stigum á eftir Fram.

Halldór Jóhann Sigfússon er tekinn við Fram en hann þjálfaði FH með góðum árangri undanfarin ár áður en hann lét af störfum síðasta sumar.