Eldur kom upp í snjóruðningstæki á Vesturlandsvegi við Grafarholt rétt eftir klukkan sjö í morgun.
Að sögn varðstjóra hjá slökkviliðinu á höfuðborgarsvæðinu var bíllinn orðinn alelda þegar slökkviliðsmenn komu á vettvang en nú er verið að ganga frá á vettvangi.
Bíllinn, sem er stór pallbíll með hefiltönn að framan, er gjörónýtur. Ökumanni varð ekki meint af að sögn varðstjóra en upptök eldsins eru ókunn á þessari stundu.
