Slökkviliðinu barst tilkynning um þrjúleytið í dag þar sem tilkynnt var um mikinn reyk sem steig upp frá bifreið á Snorrabraut. Samkvæmt upplýsingum frá slökkviliðinu var um minniháttar atvik að ræða.
Mikill reykjarmökkur var á svæðinu og héldu margir vegfarendur að kviknað væri í bílnum.
Þegar slökkvilið kom á vettvang var ljóst að enginn eldur var í bílnum. Líklega hafi verið um vélarbilun að ræða og þurfti slökkviliðið ekki að aðhafast neitt.
