Lík fannst í smábátahöfninni í Gróf í Keflavík í dag.
Mikill viðbúnaður var við höfnina í dag og greindi Vísir frá því að bæði sjúkrabílar og lögreglubílar hefðu verið kallaðir á vettvang.
Lögregla vildi ekki segja til um hvert tilefni viðbúnaðarins væri en mbl.is hefur það eftir lögreglustjóranum á Suðurnesjum, Ólafi H. Kjartanssyni að lík hafi fundist.
Málið mun vera rannsakað sem mannslát en frekari upplýsingar liggja ekki fyrir um málið.
