Axel gefur út nýtt myndband við lagið Take Me Home, Country Roads

Tónlistamaðurinn Axel Ómarsson frumsýnir nýtt myndband við lagið Take Me Home, Country Roads hér á Vísi í dag.

Um er að ræða lag frá árið 1971 sem margir ættu að kannast við, sérstaklega stuðningsmenn Manchester United.

Lagið er eftir John Denver, Bill Danhoff og Taffy Nivert.

Útgáfa Axels er unnin í samstarfi við Milo Deering.

„Milo Deering er einn af virtari country hljóðfæraleikurum í Bandaríkjunum. Hann hefur spilað inn á mörg hundruð plötur á sínum ferli með listamönnum eins og LeeAnn Rimes, Eli Young Band, Madonna, Don Henley og mörgum fleirum,“ segir Axel.

„Milo hefur verið í tónleikasveit Eagles og Don Henley um árabil, og hefur komið fram á CMA Awards, the Grammys, Tonight Show, David Letterman og fl. Hann hefur unnið til fjölda verðlauna sem hljóðfæraleikari í country heiminum vestra.“

Myndbandið var tekið upp Grímsnesi og í Dallas í Texas.