Tveir einstaklingar voru handteknir um hádegisbil í dag grunaðir um fjársvik. Í tilkynningu frá lögreglu kemur fram að báðir aðilar málsins áttu að vera í sóttkví þegar þeir voru handteknir.
Þetta er á meðal þeirra fimmtíu mála sem lögregla sinnti milli klukkan 11 og 17 í dag, að því er fram kemur í tilkynningu lögreglunnar. Á sama tímabili var lögregla kölluð til vegna fimm þjófnaðarmála.
Þá var lögregla kölluð út vegna manns sem hafði verið að ónáða fólk í austurborginni. Þegar lögreglu bar að garði hafði maðurinn yfirgefið vettvang.
